Алдан Балтаев: "Жарақатымның қаншалықты ауыр екені әзірге белгісіз болып тұр"
— Жағдайым, шүкір жақсы. Бірақ, көңіл-күй түсіп кетті. Командама көмектесе алмайтыныма ызаланып жүрмін. Қазақстанда алдын ала тексеруден өттім. Дегенмен, операцияны шет елде жасатамын. Сол үшін қазір виза жасатып жатырмын.
— Операцияны қай елде жасататын болдыңыз?
— Италияда. Римде жақсы емхана бар. Сол жерде жасатамын.
— Алаңға шамамен қанша уақытта ораласыз?
— Бұл сұраққа қазір нақты жауап бере алмаймын. Жарақатымның қаншалықты ауыр екені әзірге белгісіз болып тұр. Римде тағы тереңдетілген тексерістен өтемін. Содан кейін белгілі болып қалар.
— Соңғы бір айдың ішінде "Атырау" екі ойыншысынан айырылды. Осы жағдайдан кейін команда бірінші алтылыққа ене алады ма?
— Іліну керек. Қазір трансферлік үзіліс. Команда жаңа футболшыларды алатын шығар. Біз жарақатты әдейі алған жоқпыз. Егер, қатарда болсақ, бұл мақсатты орындау үшін аянып қалмайтын едік.
— Әңгімеңізге рақмет. Тез сауығып кетуіңізге тілектеспін.
Уалихан ҚОСАНБАЙ
№ | Команда | И | М | О |
---|---|---|---|---|
1 | Ақтөбе | 4 | 10-3 | 10 |
2 | Қызылжар | 5 | 9-3 | 8 |
3 | Ордабасы | 5 | 9-4 | 8 |
4 | Тобыл | 4 | 8-4 | 8 |
5 | Қайрат | 5 | 5-5 | 8 |
6 | Астана | 5 | 6-4 | 7 |
7 | Елимай | 4 | 4-4 | 7 |
8 | Жетісу | 4 | 2-2 | 7 |
9 | Женис | 5 | 2-9 | 6 |
10 | Атырау | 5 | 3-4 | 4 |
11 | Туран | 5 | 2-4 | 4 |
12 | Шахтер | 5 | 1-9 | 3 |
13 | Қайсар | 4 | 2-8 | 1 |