Станимир Стойлов: "Біз ешкімнен қорықпаймыз"
- Қиын матч күтіп тұрғанын білемін. Бастысы, қорғаныста ұқыпты ойнау керек. Астанада қақпаға доп өткізбей, қарсыласқа гол соқсақ жақсы нәтиже болар еді. Нөсербаевтан басқа футболшылардың бәрі дайын. Таңат жарақатының салдарынан бір ай алаңға шықпайды.
- Азат Нұрғалиевтің ойынға қатысу мәселесі шешілді ме?
- Нұрғалиев «Селтикке» қарсы матчқа қатысатын футболшылардың тізімінде бар.
- «Селтик» мықты клубтарға қарсы жолдастық кездесулер өткізіп жүр. Мысалы, «Лестермен» ойнады...
- Меніңше, ең маңызды ойын «Астанаға қарсы болып тұр. Жолдастық кездесулердің жөні бір бөлек. Бізге қарсы басқаша ойнайды.
- Жеребеге көз жүгіртіп, «Селтикті» ең ыңғайсыз қарсылас деп айта аласыз ба?
- «Селтик», әрине, мықты ұжым. Бірақ, біз ешкімнен қорықпаймыз. Шотландиялықтар текетірестің фавориті екеніме дауым жоқ. Алайда, мен үшін «Астананың» қалай ойнайтыны маңызды. «Астана» аяғына дейін таласады.
- «Селтиктен» қалай өтуге болады?
- Бастысы, өте жинақы ойнауға тиістіміз. Оған қоса, жеңіске деген құштарлық керек. Сәттілік. Онсыз болмайды. Жанкүйерлердің қызу қолдауына да сенім артамын.
Уалихан ҚОСАНБАЙ
№ | Команда | И | М | О |
---|---|---|---|---|
1 | Тобыл | 2 | 6-2 | 6 |
2 | Астана | 2 | 4-0 | 6 |
3 | Ордабасы | 2 | 6-1 | 4 |
4 | Қайрат | 2 | 2-1 | 4 |
5 | Қызылжар | 2 | 4-2 | 3 |
6 | Ақтөбе | 1 | 3-1 | 3 |
7 | Женис | 2 | 1-2 | 3 |
8 | Атырау | 2 | 1-1 | 2 |
9 | Елимай | 2 | 2-4 | 1 |
10 | Туран | 2 | 0-2 | 1 |
11 | Жетісу | 1 | 0-2 | 0 |
12 | Қайсар | 2 | 1-6 | 0 |
13 | Шахтер | 1 | 0-6 | 0 |