"Қайрат" басшылығы Аршавинмен келіссөз жүргізіп жатқандығын мәлімдеді
«Аршавин қазір Алматыда, командамен бірге жаттығып жүр. Біз онымен әлі де келіссөз жүргізіп жатырмыз. Уақыт әлі бар. Аршавин кезінде Ресей құрамасының капитаны, соңғы 10 жыл ішінде отанында ең үздік футболшылардың бірі болған. Алматыға ол өз еркімен келді. Командамен жақын танысып, қаланы аралап көргісі келеді. Аршавин Алматыға келмей тұрып-ақ, біз онымен ұзақ уақыт келіссөз жүргізгенбіз. Ол дұрыс шешім қабылдағысы келеді, тіпті спорттық мансабын аяқтауы да мүмкін. Мен қазір Аршавиннің қандай шешім қабылдайтыны жайында ештеңе айта алмаймын. Оның келгенінің өзі айтулы уақиға. Бұл біздің клубты, бас бапкерді сыйлайтындығын білдіреді», - деді «Қайрат» ФК Бақылау кеңесінің төрағасы Қайрат Боранбаев.
Өз кезегінде команданың жаңа бапкері Александр Бородюк те Аршавинге қатысты өз пікірін білдірді.
«Мен бұл футболшыға үлкен құрметпен қараймын. Ол футболдың дамуына көп еңбек сіңірген ойыншы. Оның келуі «Қайрат» үшін үлкен маңызға ие. Егер ол команда құрамында өнер көрсетер болса, жас футболшылар одан көп нәрсе үйренеді деп ойлаймын», - деді А. Бородюк.
inform.kz
| № | Команда | И | М | О |
|---|---|---|---|---|
| 1 | Қайрат | 6 | 9-1 | 14 |
| 2 | Ордабасы | 6 | 10-5 | 12 |
| 3 | Елімай | 6 | 10-5 | 12 |
| 4 | Қызылжар | 6 | 9-4 | 11 |
| 5 | Оқжетпес | 6 | 10-7 | 11 |
| 6 | Ұлытау | 6 | 7-5 | 11 |
| 7 | Астана | 6 | 9-8 | 9 |
| 8 | Жетісу | 6 | 6-8 | 8 |
| 9 | Атырау | 6 | 4-3 | 7 |
| 10 | Ақтөбе | 6 | 7-8 | 7 |
| 11 | Ертіс | 6 | 8-9 | 6 |
| 12 | Жеңіс | 6 | 3-8 | 6 |
| 13 | Қайсар | 6 | 2-6 | 4 |
| 14 | Алтай | 6 | 3-6 | 3 |
| 15 | Тобыл | 6 | 5-12 | 2 |
| 16 | Каспий | 6 | 2-9 | 1 |
