"Ертіс" футбол клубы ойыншыларын таныстырды
Салтанатты шараға Павлодар облысының əкімі Болат Бақауов пен "Қазақстан Алюминийі" АҚ президенті Арман Есенжолов жəне барша клуб əкімшілігі мен спорт басқармасының басшылары қатысты.
Алдағы маусымға Димитар Димтровтың қандай ойыншыларды алып келгенін көруге жиналған көрермендер қарасы қалың болды.
- Біздің өңір футбол тарихында ерекше орын алады. Бес рет чемпион атанып, төрт рет күміс, алты мəрте қоланы еншілеген "Ертіс" құрамында тоғыз павлодарлық футбол мектебінің тәрбиеленушісі бар, бұл - үлкен жетістік. Жанкүйерлерімізді тартысы ойындарыңызбен қуанта беріңіздер. Осы маусымда тағы да жеңіс тұғырынан көрінетіндеріңізге сенімдімін, - деді облыс əкімі Болат Бақауов.
Өз кезегінде "Қазақстан Алюминийі" АҚ президенті Арман Есенжолов та футболшыларға сәттілік тіледі.
- Бір күні барлық ойыншыларды жинап біздің зауытқа апару керек деген ұсыныс айтқым келіп тұр. Жігіттер футболға демеушілікке берілетін ақшаның қалай жасалатын көрсе жөн болар еді. Ал, қазір ойыншыларға жоғары нәтиже көрсетулеріне тілектеспін, - деді ол.
- Біз сіздерсіз ешкім емеспіз. Сіздер бізге қажетсіздер. Əр қолдауларыңыз аса маңызды, - деп ниетін білдірді команда капитаны Давид Лория.
Ал, павлодардық "Ертіс" ФК-ның бас бапкері Димитар Димитров 8-ші наурыз күні барша павлодарлықтарды орталық стадионда күтетінін атап өтті.
Атап өтейік , 8-ші наурыз күні "Ертіс" өз алаңында оралдық "Ақжайықты" қабылдайды. Ойынның басталуы астана уақытымен 15:00-де.
| № | Команда | И | М | О |
|---|---|---|---|---|
| 1 | Қайрат | 7 | 11-3 | 15 |
| 2 | Ордабасы | 7 | 12-6 | 15 |
| 3 | Елімай | 7 | 12-7 | 13 |
| 4 | Оқжетпес | 7 | 11-8 | 12 |
| 5 | Астана | 7 | 11-9 | 12 |
| 6 | Қызылжар | 7 | 10-6 | 11 |
| 7 | Жетісу | 7 | 8-8 | 11 |
| 8 | Ұлытау | 7 | 7-7 | 11 |
| 9 | Ақтөбе | 7 | 8-8 | 10 |
| 10 | Атырау | 7 | 5-5 | 7 |
| 11 | Жеңіс | 7 | 3-8 | 7 |
| 12 | Ертіс | 7 | 8-10 | 6 |
| 13 | Қайсар | 7 | 3-7 | 5 |
| 14 | Тобыл | 7 | 7-13 | 5 |
| 15 | Алтай | 7 | 3-6 | 4 |
| 16 | Каспий | 7 | 3-11 | 1 |
