"Ақжайық" футбол клубының тұсаукесері өтті
Мерекелік іс-шара Орал қаласындағы "Атриум" орталығында өтті. Кештің жүргізушісі барлық ойыншыларды жеке-жеке хабарлап, көрермендерге таныстырды. Биылғы маусымда командаға төмендегі жаңа ойыншылар қосылды: Предраг Говедарица, Эдурад Сергиенко, Фредди Коронелл, Саша Колуния, Данило Николич, Сергей Гридин.
"Ақжайық" футбол клубының директоры - Бағдат Ғайзатулинұлы Ағниязов: 2015 жылы облыс басшылығы бізге Премьер-лигаға шығу тапсырмасын қойған болатын. Біз тапсырманы орындадық. Биылғы маусымға жақсы дайындалып, оқу-жаттығу жиындарын ойдағыдай ұйымдастырдық. Билет бағасы үлкендерге 500 теңге, балаларға 300 теңге және мүгедектер мен зейнеткерлерге тегін болады. Жанкүйерлерге барынша жағдай жасауға тырысамыз.
"Ақжайық" футбол клубының бас бапкері - Талғат Маруанұлы Байсуфинов: Кеш жарық! Әзірге әрине команданың жанкүйерлері көп емес. Бірақ, маусым барысында Сіздердің қатарларыңыз көбейеді деген ойдамын. Қаржылық жағдайларға байланысты команда құрамын толықтай жинай алмадық. Бірнеше позицияларға ойыншылар қажет. Осы құрамда бар ойыншылармен ойнаймыз және барымызды саламыз. Командаға келген жаңа ойыншылардың барлығын бұрыннан жақсы танимын. Үмітті ақтап, олар мені ренжітпеулері керек. Алаңда легионерлер құрамы көбейді. Оның барлығы "Астана" мен "Қайраттың" еуропа алаңдарындағы жетістіктеріне орай өзгерді деп ойлаймын. Бірақ, біз өзіміздің ойыншыларымызды ұмытпауымыз керек. Биыл 21-жасқа дейіңгі ойыншы міндетті түрде алаңда болуы тиіс деген ереже алынып тасталды. Жас футболшылар өздерін дұрыс ұстап, жақсы жағынан көрсете алса, әрине алаңда орын табылады. Олар бұл кезге дейін көп қаражат алып келді. Біздің командада "лимит" болған жағдайда да, бұл бізге мәселе болмас еді. Құрамда жас ойыншылар көп.
"Ақжайық" футбол клубының ойыншысы - Эдуард Сергиенко: Команда ойыншыларын бұрыннан жақсы танимын. Мені құрам жақсы қабылдады. Барлығы жақсы. Маусымда барымызды саламыз.
| № | Команда | И | М | О |
|---|---|---|---|---|
| 1 | Қайрат | 6 | 9-1 | 14 |
| 2 | Ордабасы | 6 | 10-5 | 12 |
| 3 | Елімай | 6 | 10-5 | 12 |
| 4 | Қызылжар | 6 | 9-4 | 11 |
| 5 | Оқжетпес | 6 | 10-7 | 11 |
| 6 | Ұлытау | 6 | 7-5 | 11 |
| 7 | Астана | 6 | 9-8 | 9 |
| 8 | Жетісу | 6 | 6-8 | 8 |
| 9 | Атырау | 6 | 4-3 | 7 |
| 10 | Ақтөбе | 6 | 7-8 | 7 |
| 11 | Ертіс | 6 | 8-9 | 6 |
| 12 | Жеңіс | 6 | 3-8 | 6 |
| 13 | Қайсар | 6 | 2-6 | 4 |
| 14 | Алтай | 6 | 3-6 | 3 |
| 15 | Тобыл | 6 | 5-12 | 2 |
| 16 | Каспий | 6 | 2-9 | 1 |
