"Ордабасы" облыс әкімімен кездесті
Сонымен қатар, шетелдік футболшыларға біздің елде табысты болуына тілектестік білдірді. «Ордабасының» биіктерге өрлеуіне ықпал ететін бұл футболшылардың әлеуметтік тұрмыстық жағдайлары, олардың қауіпсіздігі де назардан тыс қалмады. Кездесу барысында облыс басшысы футбол төңерегіндегі бірқатар мәселелерге кеңінен тоқталды. Бейбіт Бәкірұлы талай жылдан бері басты проблемаға айналып кеткен "Қажымұқан" атындағы орталық стадионның жарықтандыру жүйелерін толық шешетінін мәлімдеді.
«Ордабасы» футбол клубы облыстың бет-бейнесі. Осы команданың даңқы арқылы облысты бүкіл әлем таниды. Сондықтанда, командаға деген көзқарасты өзгерту керек. Облыстың әрбір тұрғыны, өз командасына қолдау жасап, ұдайы футболшылармен бірге тыныстап отыруы керек. Ол үшін қалаларда, аудан орталықтарында «Ордабасы» командасының көрнекіліктері, билбордтары, экипировкалары, атрибутикалар үшін арнайы орындар қарастырылуы шарт. Матч барысынан дайындалатын телерепортаждар ұйымдастырылып, көкрермендерге жеткізілуі керек. Жанкүйерлер футболға мерекедегідей көңіл-күймен толық келуін ұйымдастыру шараларымен, Еуропа лигасы ойындарын жоғары деңгейде өткізуге атсалысуды қамтамасыз ету мәселесі қолға алынады»- деді облыс әкімі.
Бұдан соң облыс басшысы команданың бас бапкері Бақтияр Байсейтовпен команданың биылғы мақсаты жайында пікір алмасты. «Ордабасының» жаңа маусымдағы мақсаты алғашқы айналымда, мықты алты команданың қатарына ену. Чемпионатты жүлделі орынмен аяқтау, Еуропа лигасы ойындарында топтық кезеңге дейін шығу міндеті қойылды. Жанкүйердің талабы бәрінен биік тұратыны да айтылды. Жиын соңынан футболшылар атынан команда капитаны Қайрат Әшірбеков сөз алып: «Ордабасы» командасы жаңа маусымға арналған жаттығуларын ойдағыдай өткізді. Құрамаға мықты футболшылар алынып жатыр. Олай болса облыс басшылығы мен жанкүйерлер қойған талапты орындау үшін бар күш-жігерімізді ортаға саламыз»-деді. Және футболшылар тарапынан өңір басшысына команданың бір мүшесі ретінде символикалық №1 жейде тапсырылды.
Әсерлі болып өткен кездесу барысында жанкүйерлер тарапынан «Сізде осы команданың бір бөлшегісіз»-деген фан-клуб жетекшілері, арнайы шарфтар мен экипировкаларды сыйға тартты.
Облыс басшысы бұл тартуға разылығын білдіріп, командаға жаңа маусымда жоғары нәиже көрсету үшін сәттілік тіледі. Өзі мүше болып қабылданған «Ордабасы» командасының толық құрамымен естелік суретке түсті.
«Ордабасы» чемпионаттың тұсаукесер ойынын 13-наурыз күні, "Қажымұқан" атындағы орталық стадионда «Ақтөбе» футболшыларымен бастайды. Бұл кездесу жексенбі күні сағат-15:00-ге белгіленді.
"Ордабасы" ФК
| № | Команда | И | М | О |
|---|---|---|---|---|
| 1 | Қайрат | 6 | 9-1 | 14 |
| 2 | Ордабасы | 6 | 10-5 | 12 |
| 3 | Елімай | 6 | 10-5 | 12 |
| 4 | Қызылжар | 6 | 9-4 | 11 |
| 5 | Оқжетпес | 6 | 10-7 | 11 |
| 6 | Ұлытау | 6 | 7-5 | 11 |
| 7 | Астана | 6 | 9-8 | 9 |
| 8 | Жетісу | 6 | 6-8 | 8 |
| 9 | Атырау | 6 | 4-3 | 7 |
| 10 | Ақтөбе | 6 | 7-8 | 7 |
| 11 | Ертіс | 6 | 8-9 | 6 |
| 12 | Жеңіс | 6 | 3-8 | 6 |
| 13 | Қайсар | 6 | 2-6 | 4 |
| 14 | Алтай | 6 | 3-6 | 3 |
| 15 | Тобыл | 6 | 5-12 | 2 |
| 16 | Каспий | 6 | 2-9 | 1 |
