Рафкат Аслан: "Тобылға" қарсы ойынға ерекше ынтаммен шықтым"
- Рафкат, ойын жайлы өз пікіріңіз қандай?
- Психологиялық жағынан да, физикалық жағынан да ойын біз үшін оңайға соққан жоқ. Бірінші турда жеңілген соң, командаға жаңа серпіліс керек болды. Біз бұл ойынға тек жеңу үшін шықтық. Екінші жағынан, «Тобыл» менің үш жыл бойы доп тепкен командам, яғни, өзімнің бұрынғы командама қарсы ойнадым. Сондықтан, мен бүгінгі ойынға ерекше ынтаммен шықтым. Есеп теңбе-тең, бірақ қалай да үш ұпай олжалауымыз керек еді. Бұл есепке көңіліміз аса тола қоймады.
- «Тобыл» жанкүйерлері тарапынан сізге ерекше «ыстық ықылас» болды ма? Яғни, ысқырып, қысым көрсететіндей, арандататындай әрекеттерді байқамадыңыз ба?
- Жоқ, ондай әрекеттерін көрмедім де, естімедім. Мені жанкүйерлер әрқашан сыйлайтын. Сондықтан, ондай қысымшылықты сезінбедім. Сөздің орайы келіп тұрғанда айтайын, шалғай Ақтөбеден келіп, бүгін бізге қолдау көрсеткен барша жанкүйерлерімізге рахметімді айтамын. Барша ақтөбелік жанкүйерлерге зор алғыс.
- Бір аптадан соң өз алаңдарыңызда алғашқы ойынды өткізесіздер. Қарсылас – шымкенттік «Ордабасы». Үш ұпай олжалай аласыздар ма?
- Әрине! Бастысы, бас бапкердің нұсқауларын дұрыс орындасақ, жеңіске жету үшін сол жеткілікті деп ойлаймын. Себебі, бапкер команданың әлсіз және мықты тұстарын әбден зерттеп, бізге дұрыс бағыт беріп отырады. Ертеңнен бастап сол ойынға дайындалатын боламыз.
| № | Команда | И | М | О |
|---|---|---|---|---|
| 1 | Қайрат | 7 | 11-3 | 15 |
| 2 | Ордабасы | 7 | 12-6 | 15 |
| 3 | Елімай | 7 | 12-7 | 13 |
| 4 | Оқжетпес | 7 | 11-8 | 12 |
| 5 | Астана | 7 | 11-9 | 12 |
| 6 | Қызылжар | 7 | 10-6 | 11 |
| 7 | Жетісу | 7 | 8-8 | 11 |
| 8 | Ұлытау | 7 | 7-7 | 11 |
| 9 | Ақтөбе | 7 | 8-8 | 10 |
| 10 | Атырау | 7 | 5-5 | 7 |
| 11 | Жеңіс | 7 | 3-8 | 7 |
| 12 | Ертіс | 7 | 8-10 | 6 |
| 13 | Қайсар | 7 | 3-7 | 5 |
| 14 | Тобыл | 7 | 7-13 | 5 |
| 15 | Алтай | 7 | 3-6 | 4 |
| 16 | Каспий | 7 | 3-11 | 1 |
