Асланбек Кәкімов: "Қарсылас біздің бір қателігімізді пайдаланып кетті"
- Асланбек, бүгін өз алаңдарыңызда алғашқы ойын өткізіп, қарсыласқа есе жібердіңіздер. Не себепті жеңілдіңіздер? Қандай факторлар әсер етті?
- Өздеріңіз көрдіңіздер, ойын барысында біз толықтай басымдыққа ие болдық. Допқа иелік ету болсын, қауіпті сәттер болсын, қақпаға соққы жағынан болсын біз қарсыластан басым болдық. Алайда шабуылда соңғы нүктені қоя алмадық. «Ордабасының» алаңына дейін барып, біршама мүмкіндіктерімізді пайдалана алмадық. Соғылған голға келер болсам, қарсылас біздің бір қателігімізді пайдаланып кетті.
- Команда қысқа пастармен жақсы ойын көрсетті, бірақ алыстан соққы жасау аздау болып жатыр. Не себепті алыс қашықтықтан соққылар жасалмай жатыр?
- Бапкер де нұсқау бергенде қақпаға көбірек соққы жасауымызды талап етеді. Қос қапталдан жақсы пастар болды, бірақ алыстан соққы аз жасалды.
- Бүгінгі төреші жайлы не айтасыз?
- Төрешінің жұмысына пікір білдіргім келмейді. Бірақ жанкүйерлерге қарата бір ауыз пікір білдіргім келеді. Бүгінгі жеңіліс үшін бүкіл команданың атынан, өз атымнан жанкүйерлерден кешірім сұраймын. Алдағы уақытта тек жеңістермен қуанта береміз деп үміттенем. Ойынымыз бар, тек енді бап пен бақ қатар шапса, әлі-ақ жеңісті күндер қайта келетініне сенімдімін.
| № | Команда | И | М | О |
|---|---|---|---|---|
| 1 | Ордабасы | 30 | 59-23 | 68 |
| 2 | Қайрат | 30 | 60-23 | 65 |
| 3 | Астана | 30 | 48-31 | 54 |
| 4 | Оқжетпес | 30 | 49-38 | 54 |
| 5 | Ақтөбе | 30 | 47-39 | 49 |
| 6 | Елімай | 30 | 43-44 | 45 |
| 7 | Тобыл | 30 | 42-42 | 41 |
| 8 | Жеңіс | 30 | 32-40 | 36 |
| 9 | Ұлытау | 30 | 27-38 | 35 |
| 10 | Қызылжар | 30 | 31-42 | 33 |
| 11 | Каспий | 30 | 32-44 | 33 |
| 12 | Ертіс | 30 | 31-44 | 32 |
| 13 | Атырау | 30 | 27-35 | 30 |
| 14 | Алтай | 30 | 31-42 | 28 |
| 15 | Жетісу | 30 | 31-49 | 27 |
| 16 | Қайсар | 30 | 25-41 | 25 |
