Әлішер Сүлей: "Келесі матчта бұдан да жақсырақ ойын өрнегін көрсететініме сенімдімін"
- "Атырау" командасының құрамында өткізген алғашқы ойыныңызбен құттықтаймыз! Матчтан кейінгі әсер қандай?
- Рахмет. Әрине, тең ойнап қалғанымыз өкінішті. Негізі, ұтатындай-ақ ойын еді. Менің алғашқы ойынымды сонша күтіп, жарақатымнан айыққанша қолдап, демеу көрсеткен жанкүйерлер мен командаластарыма алғыс айтамын.
- Бірінші голдың соғылуы кезінде Саломовқа әдемі пас шығардыңыз. Қалай болғанын айтып берсеңіз.
- Жеңіліп жатқасын, гол қажет болды. Сол қапталда Виталий Лимен пас алмастым да, өзім жақсы ашылып, Шафқатқа жерлете пас бердім. Сәтті аяқталғанына қуаныштымын.
- Екінші таймда ауыстырылдыңыз. Бұл ненің белгісі: жарақатыңыз сыр берді ме, әлде толық 90 минут бойы ойнауға дайын емессіз бе?
- Бәлкім, бірінші матчым болғасын ба, ойын барысында физикалық тұрғыдан әлсіреп қалғанымды сездім. 90 минутқа күшімнің жетпегенін түсінген бапкер мені алмастырды. Бұйырса, келесі матчта бұдан да жақсырақ ойын өрнегін көрсететініме сенімдімін.
- Сұхбатыңызға рахмет!
| № | Команда | И | М | О |
|---|---|---|---|---|
| 1 | Ордабасы | 30 | 59-23 | 68 |
| 2 | Қайрат | 30 | 60-23 | 65 |
| 3 | Астана | 30 | 48-31 | 54 |
| 4 | Оқжетпес | 30 | 49-38 | 54 |
| 5 | Ақтөбе | 30 | 47-39 | 49 |
| 6 | Елімай | 30 | 43-44 | 45 |
| 7 | Тобыл | 30 | 42-42 | 41 |
| 8 | Жеңіс | 30 | 32-40 | 36 |
| 9 | Ұлытау | 30 | 27-38 | 35 |
| 10 | Қызылжар | 30 | 31-42 | 33 |
| 11 | Каспий | 30 | 32-44 | 33 |
| 12 | Ертіс | 30 | 31-44 | 32 |
| 13 | Атырау | 30 | 27-35 | 30 |
| 14 | Алтай | 30 | 31-42 | 28 |
| 15 | Жетісу | 30 | 31-49 | 27 |
| 16 | Қайсар | 30 | 25-41 | 25 |
