"Ертіс" қарыздарын қаңтарда қайтарады
Ол жайында облыс әкімі Қанат Бозымбаев мәлімдеді. "Ертіс" командасының өткен маусымнан қалып кеткен қарыздары бар екендігі осыған дейін айтылған болатын. Сол мәселе шешілмей, көптеген ойыншылардың ұжымда қалу-қалмауы белгісіз болып отыр.
- Осы күні елімізде орын алып тұрған теңгенің девальвациясы толық қарыздарды төлеуге қиындық тудыртып отыр. Менің ойымша бұл мәселе қаңтар айында толық шешіліп бітеді. Мен өзім футболды жақсы көретін адаммын. Бірақ облыс бюджетінен "Қайрат", "Ақтөбе", "Астана" секілді командалардың қаржысын бөле алмаймын. "Астананың" бюджеті 40 миллион ақш долларынан астам екен. Мұндай қаржы болса, мен бірінші кезекте алюмин зауытын салдырар едім. "Ақтөбеде" 70 мың ақш доллар айлық алған ойыншылар бар екендігін естідім. Біздің командада 20 мыңнан асырып айлық алған ойыншы жоқ. Олардың өзі жоғарғы деңгейдің футболшылары - деді Қанат Алдабергенұлы.
Сонымен бірге, облыс басшысы командаға демеуші тарту мәселесін де түбегейлі шешіп беретінін жеткізді.
- Өткен жылы "Ертіс" егер де алтылыққа енетін болса, келер маусымда Александр Машкевич демеушілік танытамын деген. Мен енді сол кісімен кездесу кезінде өзінің осы айтқан сөздерін Ютубтан тауып көрсетемін. Есіне түсуі керек.
Айта кетуіміз керек Александр Машкевич ERG холдингінің президенті.
фото Pavlodarnews.kz сайтынан алынды
| № | Команда | И | М | О |
|---|---|---|---|---|
| 1 | Ордабасы | 30 | 59-23 | 68 |
| 2 | Қайрат | 30 | 60-23 | 65 |
| 3 | Астана | 30 | 48-31 | 54 |
| 4 | Оқжетпес | 30 | 49-38 | 54 |
| 5 | Ақтөбе | 30 | 47-39 | 49 |
| 6 | Елімай | 30 | 43-44 | 45 |
| 7 | Тобыл | 30 | 42-42 | 41 |
| 8 | Жеңіс | 30 | 32-40 | 36 |
| 9 | Ұлытау | 30 | 27-38 | 35 |
| 10 | Қызылжар | 30 | 31-42 | 33 |
| 11 | Каспий | 30 | 32-44 | 33 |
| 12 | Ертіс | 30 | 31-44 | 32 |
| 13 | Атырау | 30 | 27-35 | 30 |
| 14 | Алтай | 30 | 31-42 | 28 |
| 15 | Жетісу | 30 | 31-49 | 27 |
| 16 | Қайсар | 30 | 25-41 | 25 |
