Алтынбек Сапаров: "Осы жеңістен кейін бізде бәрі басқаша болады деп сенемін"
- Осы маусымдағы бірінші жеңісімізге жеттік. Қолдау білдіргендерге көп рахмет! Өздеріңіз білесіздер, осыған дейін алты ойын бойы жеңіс дәмін сезбей келген едік. Осы жеңістен кейін бізде бәрі басқаша болады деп сенемін. Себебі, жаңа бапкер келіп жатыр. Өз басым мықты маман деп есептеймін. Алдағы уақытта не болатынын көре жатармыз.
«Таразға» қарсы келесі матчқа тыңғылықты дайындықпен шығамыз деп ойлаймын. Ойын бізге оңайға соққан жоқ. Сенімдірек жеңіске қол жеткізуге не жетіспеді дейсіз бе? Оңтүстіктің ауа райы ыстық, ол түсінікті. Оның үстіне, өзім де бұл матчқа дейін, жарақатыма байланысты үш ойынға қатыса алмаған едім. Әрине, Бірінші лига командаларымен ойнау әркез қиынға соғады. Өйткені, олар да өздерін көрсетуге тырысады.
Бұдан бөлек, жаңа бапкермен біз тек үш күн ғана жаттығып үлгердік, сол себепті белгілі бір дәрежеде түсіністікке әлі жетпеген шығармыз. Көбірек жаттығу керек. Бұйырса, бәрі жақсы болады. Тағы да бізге сеніп, қолдау білдірген жанкүйерлерге рахмет айтамын.
| № | Команда | И | М | О |
|---|---|---|---|---|
| 1 | Ордабасы | 30 | 59-23 | 68 |
| 2 | Қайрат | 30 | 60-23 | 65 |
| 3 | Астана | 30 | 48-31 | 54 |
| 4 | Оқжетпес | 30 | 49-38 | 54 |
| 5 | Ақтөбе | 30 | 47-39 | 49 |
| 6 | Елімай | 30 | 43-44 | 45 |
| 7 | Тобыл | 30 | 42-42 | 41 |
| 8 | Жеңіс | 30 | 32-40 | 36 |
| 9 | Ұлытау | 30 | 27-38 | 35 |
| 10 | Қызылжар | 30 | 31-42 | 33 |
| 11 | Каспий | 30 | 32-44 | 33 |
| 12 | Ертіс | 30 | 31-44 | 32 |
| 13 | Атырау | 30 | 27-35 | 30 |
| 14 | Алтай | 30 | 31-42 | 28 |
| 15 | Жетісу | 30 | 31-49 | 27 |
| 16 | Қайсар | 30 | 25-41 | 25 |
