Бауыржан Джолчиев Еуропадан шақырту күтіп жүре бере ме
Былтырғы маусымның соңында "Астана" футбол клубымен келісім-шарты аяқталған ойыншы әлі өз таңдауын жасамаған. Алматы мен Астана арасында уақыт өткізіп жүр. Еуропа клубтарынан шақырту күткен ойыншы, сол шақыртуды көп күтетін секілді. УЕФА Чемпиондар лигасының іріктеу кезеңдерінде жақсы ойын өрнегін көрсетіп, көзге түсе білген Бауыржан атақты клубтардан шақырту күтті. Бірақ, ол үшін Чемпиондар лигасының топтық өнерінде сәтті өнер көрсету керек еді.
Қаңтар-ақпан айларында ешқандай клубпен оқу-жаттығу жиындарын өткізбей, жеке өзі оңтүстік астанада жаттыққан футболшының қазіргі жағдайы қандай деңгейде екенін ешкім білмейді. Қазақстан біріншілігіне ойыншыларды тіркеу 3-ші сәуір күні аяқталады. Сондықтан, ел біріншілігінде ойнағасы келсе, Бауыржанға тезірек шешім қабылдау керек. Ақпарат көздеріне сенсек, "Астана" мен "Қайраттан" ұсыныс бар. Бірақ, "Астана" командасының ойыншылары командамен бірде-бір оқу жаттығу жиындарын өткізбеген ойыншыны командаға қабылдамайды деген сыбыс бар. Ал, алматылық ұжым әдейіге уақыт созып, ойыншының жалақсын төмендету ойлары бар. Не болса да, наурыз айының соңына қарай жаңалық естіп қалармыз деп үміттенейік.
Бауыржан Джолчиев Қазақстан Ұлттық құрамасының сапында 14 ойын өткізіп, 3 доп соққан.
| № | Команда | И | М | О |
|---|---|---|---|---|
| 1 | Ордабасы | 22 | 43-16 | 52 |
| 2 | Қайрат | 21 | 42-15 | 48 |
| 3 | Астана | 21 | 34-22 | 39 |
| 4 | Оқжетпес | 22 | 35-29 | 36 |
| 5 | Ақтөбе | 22 | 32-26 | 35 |
| 6 | Елімай | 21 | 31-26 | 32 |
| 7 | Ұлытау | 22 | 18-24 | 28 |
| 8 | Жеңіс | 21 | 21-24 | 26 |
| 9 | Тобыл | 21 | 23-28 | 25 |
| 10 | Каспий | 22 | 24-31 | 23 |
| 11 | Қызылжар | 22 | 24-32 | 23 |
| 12 | Атырау | 21 | 15-21 | 20 |
| 13 | Қайсар | 21 | 16-24 | 20 |
| 14 | Алтай | 22 | 20-33 | 19 |
| 15 | Жетісу | 22 | 24-38 | 19 |
| 16 | Ертіс | 21 | 20-30 | 17 |
