Рустам Темірхан: "Мен үшін командамның жеңісі бірінші орында"
- Ойында керекті нәтижеге қол жеткізуге не кедергі болды?
- Біз өз ойынымызды көрсете алмадық. Допқа жөнді иелік ете алмадық. "Рузаевка" командасы алаңға әбден үйреніскен, бізге шамалы қиындау болды. Осындай алаңда доптың жылдамдығын есептеу қиын. Жәй берген пасың жетпей қалады. Допты көбінесе әуелете беруге тырыстық. Бұндай алаңда ойын тек бір голға дейін ғана болады. Қарсылас бір голдарын салды, сонымен бітті.
- Ақтөбелік жастар сырт алаңдағы ойындарға қарағанда, өз алаңында жақсы ойнап жүр. Бұның сыры неде? Сырт алаңды жатсынасыздар ма? Бапкерлердің айтқаны ойыншыларға жетпей жата ма? Тиімді нәтижеге жетуге не кедергі? Мотивация жетпей ме?
- Мотивация, бапкерлердің нұсқауы тұрғысынан ешқандай кедергі жоқ. Қатені өзімізден іздеуіміз керек. Бапкерлер бізге беретін барлық нұсқауларын дұрыс береді. Күндіз-түні біздердің қастарымызда, әр ойынға жеке-жеке дайындап, әрбір қарсыластың ойындарынан теорияларын өткізеді. Олар өздерінен талап етілген еңбекті 100 % атқарып жатыр деп есептеймін. Жігіттер де ойында қол қусырып ойнады деп айта алмаймын. Бәрі де аянбай тер төкті. Жақсы нәтижеге жету мақсатында барымызды салдық. Ойынның соңғы минутына дейін гол салуға тырыстық. Бірақ, өкінішке орай, бір доп айырмасымен жеңілдік. Голды өз қателігіміз есебінен жіберіп алдық.
- Сен бірнеше ойын бойы орталық қорғаныста бастапқы құрамнан көрініп келе жатырсың. Өзіңнің маусымға қойған мақсатың қандай?
- Мен әр ойында командама жеңіске жетуге көмектескім келеді. Мен үшін командамның жеңісі бірінші орында. Жеке мақсатым да осы.
- Қарсылас команда несімен есте қалды?
- "Рузаевка" командасының ойыншылары ересек ойыншылар екен. Физикалық жағынан мықты. Тәжірибиелері де мол екені көрінеді. Жақсы команда деп айтуға болады.
| № | Команда | И | М | О |
|---|---|---|---|---|
| 1 | Ордабасы | 30 | 59-23 | 68 |
| 2 | Қайрат | 30 | 60-23 | 65 |
| 3 | Астана | 30 | 48-31 | 54 |
| 4 | Оқжетпес | 30 | 49-38 | 54 |
| 5 | Ақтөбе | 30 | 47-39 | 49 |
| 6 | Елімай | 30 | 43-44 | 45 |
| 7 | Тобыл | 30 | 42-42 | 41 |
| 8 | Жеңіс | 30 | 32-40 | 36 |
| 9 | Ұлытау | 30 | 27-38 | 35 |
| 10 | Қызылжар | 30 | 31-42 | 33 |
| 11 | Каспий | 30 | 32-44 | 33 |
| 12 | Ертіс | 30 | 31-44 | 32 |
| 13 | Атырау | 30 | 27-35 | 30 |
| 14 | Алтай | 30 | 31-42 | 28 |
| 15 | Жетісу | 30 | 31-49 | 27 |
| 16 | Қайсар | 30 | 25-41 | 25 |
