Таразда Жапар Сауырғалиевті еске алу турнирі өтті
Жыл сайын дәстүрлі түрде өткізілетін доп додасына 2004-2005 жылдары туылған балалар қатысады. Турнирдің биылғы ойындарына 12 команда қатысып, бақтарын сынады. Олардың қатарында Қарағанды, Көкшетау, Астанадан келген және жергілікті Жамбылдық командалар бар. Наурыз айының 27-31 күндері аралығында өткен турнирдің ұйымдастырушылары "Тараз" ФК-ның жасөспірімдер футбол орталығы. "Шахтер", "Астана" және "Оқжетпес" командаларынан келген қонақтар Жамбыл жерінің аса қонақжай екендігін және турнирдің аса жоғарғы дәрежеде ұйымдастырылғандығын айтты. Бұл турнирді ұйымдастырудағы негізгі мақсат, жасөспірімдердің футболға деген қызығушылығын арттырып, оларды алдағы үлкен ойындарға дайындау. Бұл бәсеке балалардың футбол ойынындағы алғашқы баспалдағы іспетті дейді мамандар.
Сонымен, бес күнге созылған футбол турнирі өз мәресіне жетті. Ойынға баға берген аға буын өкілдері жасөспірімдердің бұл турнирге аса дайындықпен келгендігін айтып отыр. Барлық команда нағыз ойын үлгісін көрсетті. Балалар жас болғандығына қарамастан қызықты ойын көрсетті деп еске алады жанкүйерлердің бірі. Турнирдің қорытындысы бойынша 2004 жылығы туылған балалар арасында бірінші орынды Жамбылдық "Монтажник" командасы жеңіп алса, екінші орын "Тараз-1" командасына бұйырды. Үшінші орынға "Астана" командасы жайғасты. Ал, 2005 жылы туылған балалар арасындағы ойында бірінші орынды "Тараз-2005" командасы жеңіп алды. Екінші және үшінші орындарды "Оқжетпес" пен "Шахтер" командалары еншіледі. Турнирдің марапаттау салтанатына қатысқан "Тараз" футбол клубының вице-президенті Ғабит Қазбеков пен Қазақстанның еңбек сіңірген спорт жаттықтырушысы Жұмахан Нұғыманов футболшыларға алдағы уақытта сәттілік тіледі. Тағы бір айта кетерлігі: футбол турнирінің марапаттау рәсіміне Жапар Сауырғалиевтың жұбайы Жамал Бодаубаева мен спорт саласының ардагерлері қатысты.
ФК "Тараз"
| № | Команда | И | М | О |
|---|---|---|---|---|
| 1 | Қайрат | 6 | 9-1 | 14 |
| 2 | Ордабасы | 6 | 10-5 | 12 |
| 3 | Елімай | 6 | 10-5 | 12 |
| 4 | Қызылжар | 6 | 9-4 | 11 |
| 5 | Оқжетпес | 6 | 10-7 | 11 |
| 6 | Ұлытау | 6 | 7-5 | 11 |
| 7 | Астана | 6 | 9-8 | 9 |
| 8 | Жетісу | 6 | 6-8 | 8 |
| 9 | Атырау | 6 | 4-3 | 7 |
| 10 | Ақтөбе | 6 | 7-8 | 7 |
| 11 | Ертіс | 6 | 8-9 | 6 |
| 12 | Жеңіс | 6 | 3-8 | 6 |
| 13 | Қайсар | 6 | 2-6 | 4 |
| 14 | Алтай | 6 | 3-6 | 3 |
| 15 | Тобыл | 6 | 5-12 | 2 |
| 16 | Каспий | 6 | 2-9 | 1 |
