Неманья Максимович – еліміздегі ең қымбат легионер
Transfermarkt порталының мәліметі бойынша биылғы маусымда ел біріншілігіндегі ең қымбат легионер астаналық Неманья Максимович екен. Жуырда ғана Сербия Ұлттық құрамасы сапында алғашқы ойынын өткізген футболшының нарықтағы құны – 2 миллион еуроға тең келеді. Өткен жылмен салыстырғанда 21-жастағы футболшының бағасы өзгермеген.
Еліміздегі ең қымбат футболшылардың екінші сатысына алматылық «Қайраттың» шабуылшысы Жерар Гоу жайғасқан. Оның бағасы – 1 миллион 800 мың еуро. Гоудың да бағасы өткен маусыммен салыстырғанда өзгеріссіз қалған.
Үшінші орынға екі бірдей «Астана» клубының футболшылары - Рохер Каньяс пен Аруна Лукман жайғасыпты. Бұл екі футболшы да 1 миллион 500 мың еуро тұрады. Бірақ, 2015 жылмен салыстырғанда Каньястың құны 800 мың еуроға өссе, керісінше ниегериялық футболшының бағасы 500 мың еуроға арзандаған.
Тізімнің төртінші сатысында Исаэль тұр. Алматылық «Қайрат» клубының жартылай қорғаушысы 200 мың еуроға қымбаттап, қазір 1 миллион 200 мың еуроға бағаланып отыр.
Бесінші орында «Ордабасы» клубына биыл ауысқан Филипп Касалица орналасты. Бұл футболшы үшін шымкенттік команда 1 миллион еуроға шығындалыпты.
| № | Команда | И | М | О |
|---|---|---|---|---|
| 1 | Қайрат | 6 | 9-1 | 14 |
| 2 | Ордабасы | 6 | 10-5 | 12 |
| 3 | Елімай | 6 | 10-5 | 12 |
| 4 | Қызылжар | 6 | 9-4 | 11 |
| 5 | Оқжетпес | 6 | 10-7 | 11 |
| 6 | Ұлытау | 6 | 7-5 | 11 |
| 7 | Астана | 6 | 9-8 | 9 |
| 8 | Жетісу | 6 | 6-8 | 8 |
| 9 | Атырау | 6 | 4-3 | 7 |
| 10 | Ақтөбе | 6 | 7-8 | 7 |
| 11 | Ертіс | 6 | 8-9 | 6 |
| 12 | Жеңіс | 6 | 3-8 | 6 |
| 13 | Қайсар | 6 | 2-6 | 4 |
| 14 | Алтай | 6 | 3-6 | 3 |
| 15 | Тобыл | 6 | 5-12 | 2 |
| 16 | Каспий | 6 | 2-9 | 1 |
