Исламхан мен Шомко - Қазақстанның ең қымбат футболшылары
Портал ұсынған ақпарат бойынша, «Қайрат» клубының жартылай қорғаушысы Бауыржан Исламхан мен «Астана» қорғаушысы Дмитрий Шомконың футбол нарығындағы бағасы 1 миллион еуро. Өткен жылмен салыстырғанда бұл екі футболшының бағасы 400 мың еуроға қымбаттаған екен.
Ал, екінші орында «Астана» клубының жаңа ойыншысы Юрий Логвиненко. Оның футбол нарығындағы құны – 300 мың еуроға көтеріліп, қазір 800 мың еуроға тең келеді.
Үшінші орында Таңат Нөсербаев пен Исламбек Қуат тұр. Портал бұл футболшыларды 700 мың еуроға бағалап отыр. Өткен сәтті маусымнан кейін «Астана» капитанының бағасы 350 мың еуроға өссе, «Қайрат» ойыншысының құны 150 мың еуроға жоғарылапты.
Трансферлік нарықта 600 мың еуро тұратын Ермек Қуантаев (Қайрат), Асхат Тағыберген (Астана) және Ғафуржан Сүйімбаев (Ордабасы) төртінші орынға орналасыпты. Бұл футболшылардың да бағасы өткен маусыммен салыстырғанда өскен. Мысалы, Қуантаевтың бағасы 400 мың еуроға қымбаттаса, Тағыберген 350 мың еуроға, ал Сүйімбаевтың бағасы 200 мың еуроға көтерілген.
Бесінші орында Серікжан Мұжықов (Астана), Марк Гурман (Астана), Сергей Малый (Ертіс), Абзал Бейсебеков (Астана) және Дидар Жалмұқан секілді бес бірдей футболшы тұр. Бұл ойыншылар биыл 500 мың еуроға бағаланыпты.
| № | Команда | И | М | О |
|---|---|---|---|---|
| 1 | Қайрат | 6 | 9-1 | 14 |
| 2 | Ордабасы | 6 | 10-5 | 12 |
| 3 | Елімай | 6 | 10-5 | 12 |
| 4 | Қызылжар | 6 | 9-4 | 11 |
| 5 | Оқжетпес | 6 | 10-7 | 11 |
| 6 | Ұлытау | 6 | 7-5 | 11 |
| 7 | Астана | 6 | 9-8 | 9 |
| 8 | Жетісу | 6 | 6-8 | 8 |
| 9 | Атырау | 6 | 4-3 | 7 |
| 10 | Ақтөбе | 6 | 7-8 | 7 |
| 11 | Ертіс | 6 | 8-9 | 6 |
| 12 | Жеңіс | 6 | 3-8 | 6 |
| 13 | Қайсар | 6 | 2-6 | 4 |
| 14 | Алтай | 6 | 3-6 | 3 |
| 15 | Тобыл | 6 | 5-12 | 2 |
| 16 | Каспий | 6 | 2-9 | 1 |
