Гогита Гогуа: "Тарихта қалатыны - сенің ойның емес, кездесудің нәтижесі"
- Гогита, жеңіс құтты болсын! Алаңдағы ойыныңызға көңіліңіз толды ма? Бәлкім, әлі де жетілдіретін тұстар бар шығар.
- Мен ғана емес, тұтас ұжым жетілуі, алға басуы тиіс деп есептеймін. Себебі, футбол – командалық ойын. Әрине, ең бастысы – нәтиже. Бүгінгі жеңіс көпшілікке тамаша көңіл-күй сыйлады. Біз өз міндетімізді орындадық.
- Павлодарлықтар Сізді қалай қарсы алды?
- Жақсы қабылдады. Мұнда өзімді шетелдік емес, жергілікті тұрғын ретінде сезінемін. Бәлкім, бұл жанкүйерлердің ерекше қолдауынан болар. "Ертістің" қолдаушыларына шексіз ризашылығымды білдіремін.
- Алғашқы таймда "Ертістің" ойыны жүрмеді. Неліктен?
- Иә, солай. Бірақ, екінші таймда команда өз ойнын тапты. Бұған жанкүйерлердің қолдауы әсер етті деп ойлаймын. Біз алаңда жүріп, бәрін естиміз, көреміз. Халықтың қолдауы футболшыларға дем береді.
- Біріншіліктегі алғашқы голыңызды соқтыңыз, әрі осы уақытқа дейін бірнеше мәрте голдық пас бердіңіз. Сізден алдағы уақытта тамаша голдар күтеміз!
- Рақмет! Мен жиі гол соғатын футболшы емеспін. Жоғарыда айтқанымдай, мен үшін ең бастысы – нәтиже. Тарихта қалатыны - сенің ойның емес, кездесудің нәтижесі. Командамның жеңісі маған, барша ойыншылар мен жанкүйерлерге қуаныш сыйлайды. Осыдан артық бақыт жоқ мен үшін!
- "Ертіс" жүрісінен жаңылмасын!
- Рақмет!
Фархат Амренов, "Ертіс" ФК
| № | Команда | И | М | О |
|---|---|---|---|---|
| 1 | Қайрат | 6 | 9-1 | 14 |
| 2 | Ордабасы | 6 | 10-5 | 12 |
| 3 | Елімай | 6 | 10-5 | 12 |
| 4 | Қызылжар | 6 | 9-4 | 11 |
| 5 | Оқжетпес | 6 | 10-7 | 11 |
| 6 | Ұлытау | 6 | 7-5 | 11 |
| 7 | Астана | 6 | 9-8 | 9 |
| 8 | Жетісу | 6 | 6-8 | 8 |
| 9 | Атырау | 6 | 4-3 | 7 |
| 10 | Ақтөбе | 6 | 7-8 | 7 |
| 11 | Ертіс | 6 | 8-9 | 6 |
| 12 | Жеңіс | 6 | 3-8 | 6 |
| 13 | Қайсар | 6 | 2-6 | 4 |
| 14 | Алтай | 6 | 3-6 | 3 |
| 15 | Тобыл | 6 | 5-12 | 2 |
| 16 | Каспий | 6 | 2-9 | 1 |
