"Қайраттың" тізгінін Каха Цхададзе ұстайды
Порталдың таратқан мәліметі бойынша, Грузия құрамасының бұрынғы бапкері командаға келіп, жаттығу өткізіп үлгерген екен. Бірақ, 47 жастағы маман клуб басшыларымен ресми келісім-шарт жасамапты. Бұл ақпаратты Цхададзенің көмекшісі болған Георгий Чихрадзе растап отыр.
Еске сала кетейік, кеше алматылық «Қайрат» командасының бас бапкері Александр Бородюк қызметінен кеткен болатын.«Қайрат» Қазақстан чемпионатының алғашқы үш турының қорытындысы бойынша екі рет жеңіліп, бір рет тең түсті. Команда қоржынында әзірге жалғыз ұпай бар. Айта кетерлік бір жайт, 8 наурызда Александр Бородюк «Қайрат» командасымен алғаш рет Қазақстан Суперкубогын ұтып алған еді.
«Қайрат» жексенбі күні Оралда «Ақжайықтан» жеңілгеннен кейін Александр Бородюк бар жауапкершілікті өз мойнына алатынын айтқан болатын.
| № | Команда | И | М | О |
|---|---|---|---|---|
| 1 | Қайрат | 6 | 9-1 | 14 |
| 2 | Ордабасы | 6 | 10-5 | 12 |
| 3 | Елімай | 6 | 10-5 | 12 |
| 4 | Қызылжар | 6 | 9-4 | 11 |
| 5 | Оқжетпес | 6 | 10-7 | 11 |
| 6 | Ұлытау | 6 | 7-5 | 11 |
| 7 | Астана | 6 | 9-8 | 9 |
| 8 | Жетісу | 6 | 6-8 | 8 |
| 9 | Атырау | 6 | 4-3 | 7 |
| 10 | Ақтөбе | 6 | 7-8 | 7 |
| 11 | Ертіс | 6 | 8-9 | 6 |
| 12 | Жеңіс | 6 | 3-8 | 6 |
| 13 | Қайсар | 6 | 2-6 | 4 |
| 14 | Алтай | 6 | 3-6 | 3 |
| 15 | Тобыл | 6 | 5-12 | 2 |
| 16 | Каспий | 6 | 2-9 | 1 |
