Игита әлемнің үздік қақпашысы атануы мүмкін
Futsalplanet порталы кеше шағын футболдан әлемнің үздік қақпашысы атануға үміткер бағана күзетшілерінің тізімін жариялады. Ол тізімде Алматының "Қайраты" мен Қазақстан Ұлттық құрамасының голкипері Игита да бар.
Баршаңызға белгілі, биыл Игита күллі әлемді таң қалдырған болатын. Ақпан айында ол Сербияда өткен Еуропа біріншілігінде жасындай жарқылдап, Қазақстан құрамасының қола жүлде алуына сүбелі үлесін қосқан еді. Сол "қәртамыс құрлық" додасынан кейін Игитаның өнеріне тәнті болғандар саны да арта түсті.
Одан бөлек, 29 жастағы қақпашы "Қайрат" сапында да биыл Еременко Кубогынде сәтті өнер көрсетіп, бас жүлдені олжалап алды. Міне, осы жетістіктерінен кейін футзал әлеміндегі ең танымал сайттардың бірі оны әлемнің үздік қақпашылардың қатарына қосыпты.
Игитадан бөлек бұл тізімде Миодраг Аксентьевич («Тұлпар», «Тюмень»), Рамос Родольфо («Бразил Кирин»), Хесус Херерро («МовистарИнтер»), Густаво («Динамо»), Хуан Молина («Аспил Видал»), Николас Сармиенто («Ривер Плейт», «Пальма Футзал»), Стефано Маммарела («Асква Сапоне»), Мехди Мостафей («Тасисат Дарайей») және Франциско «Пако Седано» Антолин («Барселона») сынды бағана күзетшілері бар.
| № | Команда | И | М | О |
|---|---|---|---|---|
| 1 | Қайрат | 20 | 39-14 | 45 |
| 2 | Ордабасы | 19 | 34-15 | 43 |
| 3 | Астана | 18 | 29-20 | 32 |
| 4 | Ақтөбе | 19 | 28-21 | 31 |
| 5 | Оқжетпес | 19 | 25-26 | 30 |
| 6 | Елімай | 18 | 26-23 | 27 |
| 7 | Ұлытау | 19 | 16-18 | 27 |
| 8 | Тобыл | 19 | 21-26 | 22 |
| 9 | Жеңіс | 19 | 17-23 | 22 |
| 10 | Каспий | 19 | 19-25 | 21 |
| 11 | Қайсар | 20 | 15-22 | 20 |
| 12 | Қызылжар | 19 | 20-27 | 19 |
| 13 | Атырау | 18 | 13-17 | 18 |
| 14 | Жетісу | 19 | 22-29 | 18 |
| 15 | Алтай | 19 | 15-26 | 16 |
| 16 | Ертіс | 18 | 16-23 | 14 |
