Ерхан Таласбаев: "Қайратпен" кездескенде жеңгісі келмейтін команда жоқ"
— Ерхан, 70-минутқа таман алаңға шықтың. Бапкер қандай нұсқаулар берді?
— Бапкер жылдамдығыңды пайдаланып, алдыңғы жақта қарсыластың қорғаушыларына қысым жаса деді. Маровпен жұп құрап, қос шабуылшы болып жұмыс істеңдер деп айтты. Алексей негізінде жартылай қорғаушы болғандықтан, өзін өткір шабуыл өтінде жалғыз қолайсыз сезінген болуы керек.
— Жалпы, ойын туралы қандай әсерлер қалды? Қарсылас қаншалықты күшті?
— Бірінші таймда өз ойнымызды ойнай алмадық. Қарымта шабуылдардан кейін, бір емес, екі гол жібере жаздадық. Екінші таймда жинақталып, допты бақылап, шабуылдар ұйымдастырдық. Бір доп соға алдық. Ұтқымыз келді. Қарсыласқа келсек, "Қайрат" барлық жағынан алғанда Қазақстандағы үздік командалардың бірі. Онымен кездескенде жеңгісі келмейтін команда жоқ.
— Қақпашының қателігіне байланысты, жаттықтырушыдан үзілісте сөз естімедіңдер ме?
— Жоқ (жымияды). Керісінше, қолдау танытты. Сондай-ақ, осы матчта бізді жігерлендіріп, қолдау білдірген жанкүйерлерге де алғысымды айтқым келеді.
| № | Команда | И | М | О |
|---|---|---|---|---|
| 1 | Ордабасы | 30 | 59-23 | 68 |
| 2 | Қайрат | 30 | 60-23 | 65 |
| 3 | Астана | 30 | 48-31 | 54 |
| 4 | Оқжетпес | 30 | 49-38 | 54 |
| 5 | Ақтөбе | 30 | 47-39 | 49 |
| 6 | Елімай | 30 | 43-44 | 45 |
| 7 | Тобыл | 30 | 42-42 | 41 |
| 8 | Жеңіс | 30 | 32-40 | 36 |
| 9 | Ұлытау | 30 | 27-38 | 35 |
| 10 | Қызылжар | 30 | 31-42 | 33 |
| 11 | Каспий | 30 | 32-44 | 33 |
| 12 | Ертіс | 30 | 31-44 | 32 |
| 13 | Атырау | 30 | 27-35 | 30 |
| 14 | Алтай | 30 | 31-42 | 28 |
| 15 | Жетісу | 30 | 31-49 | 27 |
| 16 | Қайсар | 30 | 25-41 | 25 |
