Әділжан Жақсыбай: "Біз "Ақтөбе" үшін ойнадық"
- Біз бапкерлердің берген нұсқауларын мүлтіксіз орындауға тырыстық. Өзіміздің гол соғатын мүмкіндіктерімізді пайдалана алмадық, қарсылас өз голын соға білді. Бірақ сонда да берілмей, өз ойынымызды ойнай бердік, нәтижесінде тез арада гол соқтық.
- Сен бірінші голыңды айып добынан соқтың. Сол гол туралы айтып берсең?
- Төреші айып алаңының жиегінен айып соққысын белгіледі. Допты мен өз қолыма алып, сенімді түрде тоғыздыққа тептім. Жақсы гол болды. Өзіме ұнады (күледі). Бірақ бұл тек менің ғана голым емес, бұл командаластарымның арқасы. Біз бір-бірімізге көмектесу арқылы ғана жеңіске жете білдік. Бас бапкерге де рақмет, олар біздің бірінші таймда жасаған қателіктерімізді сараптап, екінші таймға нұсқауларын жасады. Біз бапкердің айтқандарын дұрыс орындай білдік.
- 3:1 есебіне көңілің тола ма?
- Әрине толады, дегенмен, біз екінші таймда 4-5 рет гол соғатын жағдай ұйымдастырдық. Егер де сол голдарымыз соғылғанда бәлкім ірі есеппен ұтар ма едік.
- "Ақтөбе М" бірінші айналымда "Жетісу М" 2:4 есебімен жеңілген болатын. Сәуір айында кеткен есені кеше толықтай қайтара алдыңдар ма?
- Біз биыл маусым басында Талдықорғанда 2:0 есебімен жеңіп тұрып, қарсыластан жеңіліп қалған болатынбыз. Сол кезде қатты өкінген едік, міне есені қайтардық. Біз "Ақтөбе" үшін ойнадық. Еңбегіміз ақталды.
| № | Команда | И | М | О |
|---|---|---|---|---|
| 1 | Қайрат | 26 | 53-19 | 59 |
| 2 | Астана | 26 | 66-30 | 57 |
| 3 | Тобыл | 26 | 45-25 | 54 |
| 4 | Елімай | 26 | 47-31 | 48 |
| 5 | Ақтөбе | 26 | 39-29 | 43 |
| 6 | Жеңіс | 26 | 37-30 | 36 |
| 7 | Ордабасы | 26 | 37-28 | 35 |
| 8 | Оқжетпес | 26 | 37-43 | 35 |
| 9 | Қызылжар | 26 | 25-32 | 27 |
| 10 | Ұлытау | 26 | 20-41 | 23 |
| 11 | Қайсар | 26 | 24-42 | 22 |
| 12 | Жетісу | 26 | 19-43 | 21 |
| 13 | Атырау | 26 | 22-45 | 19 |
| 14 | Тұран | 26 | 25-58 | 16 |
