Владимир Мұқанов: "Нәтижеге де, ойынға да ризамын"
- Біздің команданың алаңды сезуі жақсы болды. Осыған дейінгі матчарға қарағанда жақсы ойнадық. «Атырау» қақпамызға бір-екі рет қана шабуыл жасады. Ал, жалпы ойынды өзіміз ұстадық. Нәтижеге де, ойынға да ризамын.
- Әлібек Бөлешевті неге алмастырып тастадыңыз?
- Бөлешевті алмастыруымыздың себебі бар. Оны амалсыз шығардық. Әйтпесе, ол бізге алаңда көп көмек көрсететін ойыншы. Матч барысында жарақат алып қалды. Оның қаншалықты ауыр жарақат алғаны ертең белгілі болады.
- Маусым аралық үзілісте Жасұлан Молдақараевтың өнеріне риза еместігіңізді жеткізіп едіңіз. Бүгін алаңға шығардыңыз ғой.
- Молдақараевтың ойын стилі басқаша. Мен оның ойынына риза емеспін деп айта алмаймын. Футболшы бұған дейін өзге командада ойнады. Басқа бапкерлердің қол астында мүлде өзгеше өнер көрсеткен. Одан кейін бізге келісімен «Оқжетпестің» ойынына кірігіп кете алмады. Дегенмен, бүгін ол өте тамаша ойнады. Осы матчтан кейін ол өзінің негізгі құрамның футболшысы екендігін көрсетті.
- Алхазов туралы айтып өтсеңіз? Ол неге алаңға шықпай жүр?
- Ол Қазақстан чемпионатын жақсы бағамдап келген ойыншы. Бұрын ойнаған «Волгарь» командасының ойын мәнері басқаша. Біздің ойын басқаша. Олар көбірек қарымта шабуылмен ойнайды. Ал, біз көбінесе ойынды ұстап, допқа көбірек бақылау жасаймыз. Сондықтан, Алхазовтың ойыны сәл басқаша. Дегенмен, бұл футболшы негізі көп гол соғатын ойыншылардың қатарына жатады.
| № | Команда | И | М | О |
|---|---|---|---|---|
| 1 | Қайрат | 6 | 9-1 | 14 |
| 2 | Ордабасы | 6 | 10-5 | 12 |
| 3 | Елімай | 6 | 10-5 | 12 |
| 4 | Қызылжар | 6 | 9-4 | 11 |
| 5 | Оқжетпес | 6 | 10-7 | 11 |
| 6 | Ұлытау | 6 | 7-5 | 11 |
| 7 | Астана | 6 | 9-8 | 9 |
| 8 | Жетісу | 6 | 6-8 | 8 |
| 9 | Атырау | 6 | 4-3 | 7 |
| 10 | Ақтөбе | 6 | 7-8 | 7 |
| 11 | Ертіс | 6 | 8-9 | 6 |
| 12 | Жеңіс | 6 | 3-8 | 6 |
| 13 | Қайсар | 6 | 2-6 | 4 |
| 14 | Алтай | 6 | 3-6 | 3 |
| 15 | Тобыл | 6 | 5-12 | 2 |
| 16 | Каспий | 6 | 2-9 | 1 |
