Данияр Әбубәкіров: "Ойын қос команда үшін де қиын болды"
- Соңғы ойында жеңіске жеткенімізге өте қуаныштымын. Жанкүйерлер де келіп, бізді қолдап жатыр, оларға зор алғысымды білдіремін. Бүгін маған берілген уақыт ішінде командам жеңіске жету үшін барымды салдым. Жазда алған жарақатымнан енді айығып келе жатырмын. Ойын қос команда үшін де қиын болды. Оның үстіне төреші біздің бір ойыншымызды алаңнан қуды. "Шахтер" сан басымдылығын пайдаланғысы келді. Алайда, біз соған қарамастан жеңіске жеттік.
- Алдыңғы "Жетісумен" болған ойында да есеп тең болып тұрған кезде, сіздің ойыншы қызыл қағаз алып, алаңнан кеткен еді. "Ақтөбе" ойыншылар саны аз болғанына қарамастан жеңіске жетті. Бүгін де сол жағдай айна-қатесіз қайталанып отыр. Бұл сәйкестік пе?
- Иә, сондай жағдай қайталанып отыр, бірақ бұны сәйкестік деп ойламаймын. Намысқа тырысып, дер кезінде мінез көрсеттік және бапкерлердің нұсқауларын дұрыс орындадық, сол себепті жеңіске жеттік деп ойлаймын.
- Команда үшін, өзің үшін футбол маусымы аяқталды. Өзің үшін биылғы маусымнан қандай пайда алдың, қай жерде өкініш болды?
- Мен жастар құрамында осымен екінші жыл ойнап келемін. Кәсіби футболшы ретінде әлдеқайда өстім деп айта аламын. Өкінетіндей ештеңе бола қоймады, бірақ маусым ортасында жарақат алып, ұзақ уақыт ойынға қатыса алмадым. Сөйтсе де, жарақат футболшы талғамайды, бұл футболдың бір бөлігі. Әрі қарай еңбектеніп, өсе беруім керек.
- Сен жақында "Ақтөбе" футбол клубының жаттығуына қатысып келдің. Бұндай шақыртулар жіи болып тұра ма?
- Биыл мені алғаш рет шақырды. Әрине, ол жердегі жаттығулардың деңгейі басқаша. Тәжірибиелі ойыншылардың қасында жүріп, көп нәрсені үйренуге болады. Біздің командадағы әрбір ойыншы басты командада ойнау үшін еңбектенеді, соған ұмтылады. Бірақ ол маңдай термен келетін нәрсе. Маған ондай мүмкіндік туып жатса, пайдаланып қалуға тырысамын. Маған сенім артқан барша жандарға, бапкерлерге, командаластарыма алғыс айтамын.
| № | Команда | И | М | О |
|---|---|---|---|---|
| 1 | Қайрат | 9 | 14-4 | 21 |
| 2 | Ордабасы | 8 | 14-6 | 18 |
| 3 | Оқжетпес | 8 | 12-8 | 15 |
| 4 | Ұлытау | 8 | 8-7 | 14 |
| 5 | Елімай | 8 | 12-8 | 13 |
| 6 | Астана | 8 | 11-10 | 12 |
| 7 | Жетісу | 8 | 9-9 | 12 |
| 8 | Қызылжар | 8 | 10-7 | 11 |
| 9 | Атырау | 8 | 6-5 | 10 |
| 10 | Ақтөбе | 8 | 8-10 | 10 |
| 11 | Жеңіс | 8 | 4-8 | 10 |
| 12 | Ертіс | 8 | 8-11 | 6 |
| 13 | Қайсар | 9 | 5-10 | 6 |
| 14 | Тобыл | 8 | 7-14 | 5 |
| 15 | Алтай | 8 | 3-7 | 4 |
| 16 | Каспий | 8 | 4-11 | 4 |
