"Тараз" өз алаңында "Ақжайықтан" ұтылып қалды
Енді ойын жағдайына келсек, бірінші таймда сөз жоқ допқа Тараздықтар иелік етті. Тіпті, Әлішер Сүлей мен Игорь Зеньковичтің гол салатын тамаша мүмкіндіктері болды. Бірақ біріне дәлдік жетіспеді, енді бірі тас қамал қорғаушылардан өте алмады. Ал, «Ақжайықтықтар» болса, алғашқы таймда бірді – екілі шабуыл жасағанымен, «Тараздықтар» бағыттаған соққыны қайтарумен болды.
Ойынның екінші таймында қонақтар ойынды ширақ бастады. Оның үстіне алаңға шыққан Ақжайықтың жартылай қорғаушысы Эдуард Сергиенко өз командасының жылдам ойнауына себепкер болды. Тартысты басталған ойында Тараздықтар да қарап қалмады. Тарас Данилюктің қақпаға бағыттаған соққысы голға айналар тамаша сәт болып еді, бірақ оны қонақтардың қорғаушысы дәл қақпа қасынан қайтара білді.
Ойынға 62-минутта Бауыржан Байтана араласты. Оның да гол ұратын тамаша соққысы қақпа қасынан қайтып, сәл сәттілік жетіспеді. Дегенмен, футболда сен ұрмасаң, саған ұрады деген қағида бар. «Тараз» айып алаңында допқа талас кезінде мүмкіндікті мүлт жібермеген «Ақжайық» командасының ойыншысы Қуаныш Бегалин «Тараздықтар» қақпасына бір гол соқты. Бұл ойынның 81-ші минуты болатын. Матчтың қалған уақыттарында Жамбылдық команданың гол ұратын мүмкіндігі көп болды. Бірақ, ол мүмкіндік голға айналмады.
"Тараз" ФК
| № | Команда | И | М | О |
|---|---|---|---|---|
| 1 | Қайрат | 6 | 9-1 | 14 |
| 2 | Ордабасы | 6 | 10-5 | 12 |
| 3 | Елімай | 6 | 10-5 | 12 |
| 4 | Қызылжар | 6 | 9-4 | 11 |
| 5 | Оқжетпес | 6 | 10-7 | 11 |
| 6 | Ұлытау | 6 | 7-5 | 11 |
| 7 | Астана | 6 | 9-8 | 9 |
| 8 | Жетісу | 6 | 6-8 | 8 |
| 9 | Атырау | 6 | 4-3 | 7 |
| 10 | Ақтөбе | 6 | 7-8 | 7 |
| 11 | Ертіс | 6 | 8-9 | 6 |
| 12 | Жеңіс | 6 | 3-8 | 6 |
| 13 | Қайсар | 6 | 2-6 | 4 |
| 14 | Алтай | 6 | 3-6 | 3 |
| 15 | Тобыл | 6 | 5-12 | 2 |
| 16 | Каспий | 6 | 2-9 | 1 |
