Серікжан Мужиков: "Барынша тыңғылықты дайындалып, кез-келген командаға қарсы ойнауға дайынбыз"
- Ойын біз үшін өте қиын болды. Алғашқы таймда команда өз ойынын көрсетіп, қажетті голды соға алдық. Екінші тайм біздің команда үшін аса сәтті болды дей алмаймын. Алайда, соңғы нәтижеде команда жеңіске жетіп, жанкүйерлерге қуаныш сыйлай алдық. Осы айтулы нәтижемен барлық қазақстандықтарды, клуб басшылығын және жанкүйерлерді, бапкерлер құрамы мен командалас әріптестерімді құттықтаймын.
- Стадионда 300-ге жуық қазақстандық жанкүйерлер болды. Олардың қолдауын сезіне алдың ба?
- Әрине, қолдауларын анық сезіндік. Осы орайда, стадионға келіп бізді қолдаған жанкүйерлерге және теледидар артында отырып бізге тақым қысқан барша жанкүйерлерге ерекше алғыс білдіргім келеді.
- Серікжан, плей-офф кезеңінде қандай команданың қарсылас атанғанын қалайсың?
- Кез-келген қарсылас оңай болмайтыны сөзсіз. Алайда, біз осы кезеңге жолдама алу арқылы біздің де оңай шағылатын жаңғақ емес екенімізді дәлелдей алдық деп ойлаймын. Сондықтан, барынша тыңғылықты дайындалып, кез-келген командаға қарсы ойнауға дайынбыз.
- "Астана" командасы осы жылы маусымды басқа командаларға қарағанда кеш аяқтап, алдағы жылы ерте бастамақ. Ол сіздерге алдағы маусымда тезірек өз ойындарыңызды табуға қол болады деп ойлайсыз ба?
- Бірінші кезекте дәл қазір ұзақ әрі қиын маусымнан кейін демалып, күш жинап алдағы маусымға ерекше дайындықпен келуіміз қажет деп ойлаймын. Команда плей-офф кезеңінде лайықты өнер көрсету үшін, ОЖЖ-да жақсылап дайындалып, өз бабымызға келіп үлгереміз деген сенімдемін. Ал, оның ар жағында Суперкубок пен ел чемпионаты да жақын. Сондықтан, алдағы маусымның басы біз үшін өте қиын болары сөзсіз.
| № | Команда | И | М | О |
|---|---|---|---|---|
| 1 | Қайрат | 9 | 14-4 | 21 |
| 2 | Ордабасы | 8 | 14-6 | 18 |
| 3 | Оқжетпес | 8 | 12-8 | 15 |
| 4 | Ұлытау | 8 | 8-7 | 14 |
| 5 | Елімай | 8 | 12-8 | 13 |
| 6 | Астана | 8 | 11-10 | 12 |
| 7 | Жетісу | 8 | 9-9 | 12 |
| 8 | Қызылжар | 8 | 10-7 | 11 |
| 9 | Атырау | 8 | 6-5 | 10 |
| 10 | Ақтөбе | 8 | 8-10 | 10 |
| 11 | Жеңіс | 8 | 4-8 | 10 |
| 12 | Ертіс | 8 | 8-11 | 6 |
| 13 | Қайсар | 9 | 5-10 | 6 |
| 14 | Тобыл | 8 | 7-14 | 5 |
| 15 | Алтай | 8 | 3-7 | 4 |
| 16 | Каспий | 8 | 4-11 | 4 |
