Ринат Жұматов: "Бапкерлеріміз жастарға, яғни біздерге жақсы көңіл бөледі, сеніммен қарайды"
— Ринат, кешегі матчтағы голыңмен құттықтаймыз! Жалпы, ОЖЖ туралы өз ойыңмен бөлісіп өтсең.
— Көп рақмет! Жиын жақсы өтіп жатыр, күніне екі рет жаттығу жасаймыз. Тыңғылықты дайындық кешегі ойынға да оң әсерін берді деп ойлаймын.
— Негізгі құраммен бірге жаттыққан қалай екен? Бапкерлік штабтың жастарға аударған көңілі қаншалықты?
— Барлығы да ойдағыдай. Бапкерлеріміз жастарға, яғни біздерге жақсы көңіл бөледі, сеніммен қарайды. Біз де соған тырысып, жақсы жағымыздан көрінуге ұмтыламыз.
— "Фламуртари" қандай қарсылас екен? Өзіңнің соққан добыңа да тоқтала кетсең.
— Ойын қиын болды, себебі қарсылас өте жақсы. Біз бас бапкер Ваxид Юнусұлы мен бапкер Қуаныш Кенжеәліұлының нұсқауларына құлақ асып, нәтижесінде гол соға алдым. Шынымды айтсам, сол сәтте ерекше қуанышты болдым (жымияды). Тағы да гол салатын мүмкіндігім болды. Бапкерлер бізден ең бастысы өз позицияларымызды жоғалтпай, қорықпай ойнауымызды сұрады. Меніңше, берілген тапсырмаларды жақсы атқарып шыққандаймыз.
| № | Команда | И | М | О |
|---|---|---|---|---|
| 1 | Қайрат | 26 | 53-19 | 59 |
| 2 | Астана | 26 | 66-30 | 57 |
| 3 | Тобыл | 26 | 45-25 | 54 |
| 4 | Елімай | 26 | 47-31 | 48 |
| 5 | Ақтөбе | 26 | 39-29 | 43 |
| 6 | Жеңіс | 26 | 37-30 | 36 |
| 7 | Ордабасы | 26 | 37-28 | 35 |
| 8 | Оқжетпес | 26 | 37-43 | 35 |
| 9 | Қызылжар | 26 | 25-32 | 27 |
| 10 | Ұлытау | 26 | 20-41 | 23 |
| 11 | Қайсар | 26 | 24-42 | 22 |
| 12 | Жетісу | 26 | 19-43 | 21 |
| 13 | Атырау | 26 | 22-45 | 19 |
| 14 | Тұран | 26 | 25-58 | 16 |
