"Ертіс" қорғаушысы Сергей Малый "Астанамен" болатын ойынға қатыспауы мүмкін
Бұл ақпараттың анықтығына көз жеткізу үшін «Ертіс» футбол клубының директоры Игорь Елащукке хабарластық.
- Саян Хамитжановпен Малыйды «Астанамен» болатын ойынға қатыстырмау туралы әңгіменің болғанын жасырмаймын. Бірақ, оның «Астанаға» қарсы өнер көрсетуіне ешкім ресми түрде тыйым сала алмайды. Себебі, келісім-шартта ондай бөлім қарастырылмаған. Яғни, заңдық тұрғыдан ешқандай кедергі жоқ. Сондықтан, Сіздің айтып отырғаныңыз ресми ақпарат емес. Малый сенбі күні алаңға шығуы да, шықпауы да мүмкін. Өйткені, ойынға кімдердің қатысатындығы клуб бапкерлерімен ақылдасып шешілетін шаруа, - деп жауап берді Игорь Евгеньевич.
Естеріңізге сала кетейік, жаңа маусымда «Ертістің» сапын толықтырған Сергей Малый «Астанадан» ауысып келген-ді. Әуелде футболшы павлодарлық клубқа жалға берілген деген ақпарат тарады. Ал, біріншіліктің алғашқы турында журналистерге сұхбат берген С.Малый «Ертіске» жалға берілмегендігін, клубтың толыққанды ойыншысы екенін мәлімдеді.
pavlodarnews.kz
| № | Команда | И | М | О |
|---|---|---|---|---|
| 1 | Қайрат | 6 | 9-1 | 14 |
| 2 | Ордабасы | 6 | 10-5 | 12 |
| 3 | Елімай | 6 | 10-5 | 12 |
| 4 | Қызылжар | 6 | 9-4 | 11 |
| 5 | Оқжетпес | 6 | 10-7 | 11 |
| 6 | Ұлытау | 6 | 7-5 | 11 |
| 7 | Астана | 6 | 9-8 | 9 |
| 8 | Жетісу | 6 | 6-8 | 8 |
| 9 | Атырау | 6 | 4-3 | 7 |
| 10 | Ақтөбе | 6 | 7-8 | 7 |
| 11 | Ертіс | 6 | 8-9 | 6 |
| 12 | Жеңіс | 6 | 3-8 | 6 |
| 13 | Қайсар | 6 | 2-6 | 4 |
| 14 | Алтай | 6 | 3-6 | 3 |
| 15 | Тобыл | 6 | 5-12 | 2 |
| 16 | Каспий | 6 | 2-9 | 1 |
