Пірәлі Әлиев "Ақтөбеге" көмектескен бе?
- Дәл сол сәтте тәртіп бұзылды. Мен сол маңда жүрген едім. Доп Пірәлі Әлиевтің қолына тиді. Ал, «Ертіс» қақпасына пенальти белгілеу, яки белгілемеу алаңдағы төрешінің құзырында еді. Төреші оқиға орынына бізден де жақын жүргенін ескеру керек. Жалпы, мен төрешінің шешіміне қатысты пікір білдіре алмаймын. Себебі, бұл үшін өзім жазаланып, айыппұл төлеуім мүмкін. Мен тек көзбен көргенімді айттым. Ал, «Ақтөбе» мен «Ертіс» арасындағы матчқа төрелік еткен Марат Ысқақовты Қазақстан футбол федерациясының Тәртіптік қадағалау комитеті жазалапты деп естідік. Демек, төреші қателікке бой алдырғаны да. Бірақ, енді ештеңені өзгерте алмайтынымызды ұмытпайық. Чемпионат жалғаса бермек. Әрине, «Ертістің» жеңісті сериясының бұзылғаны да өкінішті, - деді бұл жағдайға байланысты «Ертіс» футбол клубының директоры Игорь Елащук.
Отандық спорттық сайттардың жазуынша, Пірәлі Әлиев мұндай қадамға әдейі барған. Себебі, Пірәлінің ағасы Әли «Ақтөбе» капитаны Самат Смақовпен жақын дос. Яғни, «Ертістің» жартылай қорғаушысы ағасының нұсқауымен «тәртіп бұзып», жанкүйерлер алдында чемпионатты сүреңсіз бастаған «Ақтөбенің» еңсесін көтеруге жәрдемдесіпті-мыс. Өйткені, 6-шы турда «ақтөбеліктер» өздерінің негізгі алаңы – Қобыланды батыр атындағы Орталық стадионда биылғы маусымдағы алғашқы кездесуін өткізген-ді. Бұған дейін аталған стадион командаларды қабылдауға дайын болмай шықты. Сол себепті, «Ақтөбе» үйдегі матчтарын басқа алаңдарда өткізуге мәжбүр болды.
Айтпақшы, Пірәлі Әлиевтің ағасы Әли «Ертіс» қақпашысы Давид Лорияның да жақын досы екенін ұмытпайық.
pavlodarnews.kz
| № | Команда | И | М | О |
|---|---|---|---|---|
| 1 | Қайрат | 6 | 9-1 | 14 |
| 2 | Ордабасы | 6 | 10-5 | 12 |
| 3 | Елімай | 6 | 10-5 | 12 |
| 4 | Қызылжар | 6 | 9-4 | 11 |
| 5 | Оқжетпес | 6 | 10-7 | 11 |
| 6 | Ұлытау | 6 | 7-5 | 11 |
| 7 | Астана | 6 | 9-8 | 9 |
| 8 | Жетісу | 6 | 6-8 | 8 |
| 9 | Атырау | 6 | 4-3 | 7 |
| 10 | Ақтөбе | 6 | 7-8 | 7 |
| 11 | Ертіс | 6 | 8-9 | 6 |
| 12 | Жеңіс | 6 | 3-8 | 6 |
| 13 | Қайсар | 6 | 2-6 | 4 |
| 14 | Алтай | 6 | 3-6 | 3 |
| 15 | Тобыл | 6 | 5-12 | 2 |
| 16 | Каспий | 6 | 2-9 | 1 |
