"Оқжетпес" бес ойын қатарынан жеңіске жетті
Шымылдықты түрген кездесуде Көкшетаулық «Оқжетпес» бірден лап беріп шабуылға шықты. «Астана-Арена» стадионына жиналған жанкүйерлер алғашқы үш минуттың ішінде екі гол көрді. Алдымен, бұрыштама кезінде Чижов есеп ашты. Бұл украиналық қорғаушының премьер-лигада соққан қатарынан екінші голы. Ол оның алдында қарағандылық "Шахтер" қақпасына гол соққан еді.
Шымкенттік қорғаушылар жіберілген жылдам голды тез ұмытқысы келген. Алайда, қақпашы Бойченко допты алысқа тебер алдында ұзақ созбалақтап тұрып қалды. Осы арада жан дәрмен жетіп келген Жасұлан Молдақараев қақпашы тепкен допты қақпаға бағыттап жіберді. Арт-артынан соғылған екі гол «Ордабасыны» кішігірім нокдаунға түсірді.
Одан кейін есеп айырмасын қысқартуға тырысқан «Ордабасы» көп шабулдағанымен, Саша Стаменкович қақпасынан саңлау таба алмады. Айта кету керек сербиялық қақпашы осымен төртінші ойын қатарынан өз қақпасына гол жібермеуде. Ал, Владимир Мұқанов шәкірттері қатарынан бесінші ойында жеңіске жетіп отыр. Көкшеліктердің еншісінде 16 ұпай бар.
| № | Команда | И | М | О |
|---|---|---|---|---|
| 1 | Қайрат | 6 | 9-1 | 14 |
| 2 | Ордабасы | 6 | 10-5 | 12 |
| 3 | Елімай | 6 | 10-5 | 12 |
| 4 | Қызылжар | 6 | 9-4 | 11 |
| 5 | Оқжетпес | 6 | 10-7 | 11 |
| 6 | Ұлытау | 6 | 7-5 | 11 |
| 7 | Астана | 6 | 9-8 | 9 |
| 8 | Жетісу | 6 | 6-8 | 8 |
| 9 | Атырау | 6 | 4-3 | 7 |
| 10 | Ақтөбе | 6 | 7-8 | 7 |
| 11 | Ертіс | 6 | 8-9 | 6 |
| 12 | Жеңіс | 6 | 3-8 | 6 |
| 13 | Қайсар | 6 | 2-6 | 4 |
| 14 | Алтай | 6 | 3-6 | 3 |
| 15 | Тобыл | 6 | 5-12 | 2 |
| 16 | Каспий | 6 | 2-9 | 1 |
