Григорий Бабаян: "Ақжайық" командасы өте жақсы қорғана білді"
- Шабуыл шебінде сәтті ойнай алмадық. «Ақжайық» командасы өте жақсы қорғана білді. Алайда, біз сонда да өзімізге қажетті 3 голды соға алдық. Команда сапындағы ойыншылар өздерінің жекелей шеберліктерін арттырулары қажет. Жалпы алғанда, чемпионатты жеңіспен бастағанымызға қуаныштымын. Дегенмен, ойын сапасына көңілім толған жоқ.
- «Ақжайықтан» осындай ойын күттіңіз бе?
- Біз бұл команданың өте төмен қорғаныста ойнайтынын білген едік. «Ақжайықтың» оқу-жаттығу жиынындағы бірнеше ойындарын қарап шықтық. Команда бүгін өте жақсы қорғана білді.
- Логвиненко екі ойын қатарынан неліктен алаңға шықпай жүр?
- Біздің команда сапында бірнеше жарақат алған ойыншылар жетерлік. Абзал Бейсебеков, Юрий Логвиненко, Евгений Постников... Бүгін алаңға шыққан Игорь Шитов командамен бірге бір ғана жаттығу өткізгендігіне қарамастан, кездесуде алаңға шықты.
- Үш голдың ішінен қайсысын ерекше атап өтесіз?
- Мен үшін ең бастысы команданың гол соққаны маңызды. Ойынның бірінші таймында біздің командада гол соғатын көп мүмкіндік бола қойған жоқ. Алайда, стандарттық жағдайдан есеп аша алдық. Ал екінші таймда мүмкіндіктер пайда бола бастады. Мен үшін кімнің қалай гол соққаны маңызды емес, бастысы гол соғатын мүмкіндік жасап, оны сәтті аяқтауымыз қажет.
- Марин Томасовтың соңғы нәтижелері көңіл қуантады. Ойынды Марин арқылы жүргізу жоспарыңызда болды ма? Әлде, бұл Томасовтың жеке шеберлігінің арқасы ма?
- Ол алаңда өте жақсы ашыла біледі. Біз ойынды тек ол арқылы құрған емеспіз. Команда сапында басқа да ойыншылар бар. Марин қазір өзінің бабында. Дегенмен, оған әлі де көп еңбектену қажет. Ол қазіргіден де жақсы ойнай алады.
- Жанкүйерлердің жасаған баннерін көре алдыңыз ба?
- Өкінішке орай, байқай алмадым. Дегенмен, бізге қолдау білдірген жанкүйерлерге ерекше алғысымды білдіремін.
- Команда сапына жаңа ойыншылар келе ме?
- Әрине, келгенін қалаймыз. Мен осыған дейінгі баспасөз жиынында айтқанымдай, бізге алға қойған мақсаттарымызға жету үшін, команда құрамын күшейту керекпіз. Алайда, бұл сауал демеушілер мен клуб басшылығына жолдануы керек.
| № | Команда | И | М | О |
|---|---|---|---|---|
| 1 | Ордабасы | 30 | 59-23 | 68 |
| 2 | Қайрат | 30 | 60-23 | 65 |
| 3 | Астана | 30 | 48-31 | 54 |
| 4 | Оқжетпес | 30 | 49-38 | 54 |
| 5 | Ақтөбе | 30 | 47-39 | 49 |
| 6 | Елімай | 30 | 43-44 | 45 |
| 7 | Тобыл | 30 | 42-42 | 41 |
| 8 | Жеңіс | 30 | 32-40 | 36 |
| 9 | Ұлытау | 30 | 27-38 | 35 |
| 10 | Қызылжар | 30 | 31-42 | 33 |
| 11 | Каспий | 30 | 32-44 | 33 |
| 12 | Ертіс | 30 | 31-44 | 32 |
| 13 | Атырау | 30 | 27-35 | 30 |
| 14 | Алтай | 30 | 31-42 | 28 |
| 15 | Жетісу | 30 | 31-49 | 27 |
| 16 | Қайсар | 30 | 25-41 | 25 |
