"Атырауға" болгариялық бапкер келуі мүмкін
Премьер-лиганың 14-турында алматылық "Қайратқа" 5:2 есебімен ойсырай жеңілген "Атырау" осы күндері бас бапкерсіз жүр. Владимир Никитенконың орнын уақытша Юрий Коньков басуда. Осыған орай команда басшылары шет елден білікті бапкер шақыруды ұйғарыпты. Жаңа бапкер болып болгариялық Стойчо Младенов келуі мүмкін.
Болгариялық маман футболшылық ғұмырын Португалияда аяқтап, бапкерлік қызметті сонда бастаған. Алдымен "Эшторил" командасында, сосын "Ольяненсе" ұжымында қызмет атқарған. Арасында отанына оралып ЦСКА-да бапкер көмекшісі болған. Бірақ, араға жыл салып ол қайтадан Португалиялық "Белененсеш" командасында жаттықтырушы қызметінде болады.
Одан кейін Младенов Болгария жастар құрамасының бапкері қызметін атқарды. Одан әрі Стойчо болгариялық "Литекс" пен ЦСКА, грекиялық "Калитея" командаларында бапкер болады. 2008-жылы Младенов Сауд Арабиясына ауысады. Онда ол "Аль-Ахли" мен "Аль-Етифак" ұжымдарын баптайды. Болгариялық маманның соңғы қызмет орны Египеттің "Аль-Итихад" командасы болған.
Егер, Стойчо Младенов "Атыраумен" келісімге келер болса, онда премьер-лигадағы болгариялық бапкерлер саны 3-еу болмақ. Өздеріңіз білетіндей "Астана" мен "Ертіс" командаларының бапкерлері болгар азаматтары болып табылады.
| № | Команда | И | М | О |
|---|---|---|---|---|
| 1 | Ордабасы | 26 | 51-18 | 61 |
| 2 | Қайрат | 26 | 51-20 | 57 |
| 3 | Астана | 25 | 42-25 | 48 |
| 4 | Оқжетпес | 26 | 41-35 | 45 |
| 5 | Ақтөбе | 26 | 38-31 | 42 |
| 6 | Елімай | 25 | 35-33 | 38 |
| 7 | Тобыл | 26 | 33-35 | 34 |
| 8 | Жеңіс | 26 | 26-32 | 32 |
| 9 | Ұлытау | 26 | 24-32 | 32 |
| 10 | Каспий | 26 | 27-36 | 29 |
| 11 | Ертіс | 25 | 26-34 | 26 |
| 12 | Алтай | 26 | 26-36 | 25 |
| 13 | Қайсар | 26 | 22-33 | 24 |
| 14 | Қызылжар | 26 | 26-40 | 24 |
| 15 | Атырау | 25 | 18-28 | 23 |
| 16 | Жетісу | 26 | 26-44 | 22 |
