Жамбыл облысының спорт ардагерлері "Тараз" футбол клубының жұмысымен танысты
Жамбыл облысы спорт саласының ардагерлері «Тараз» футбол клубы базасының жұмысымен танысты. 2011 – жылы салынған жаңа нысанда футболшылар үшін барлық жағдай жасалып отыр. Алдымен, спорт саласының ардагерлеріне ойыншылардың жатын бөлмесі, жаттығу залы мен асханасы таныстырылды. Одан кейін «Тараз» футбол командасының негізгі ойын формасы көрсетілді. Команданың жеткен жетістіктері таныстырылып, Жамбыл футболының жарық жұлдыздарының есімдері мен суреттері ілінген ақпараттық тақтайшаны көрді. «Тараз» футбол клубы тарапынан футболшыларға жасалып отырған осындай жағдайды көрген ардагерлер, бұл біз үшін үлкен жетістік, ендігі меже тек жақсы ойын өрнегін көрсету деп тарқасты.
«Тараз» футбол клубы базасын аралап көріп, оң бағасын берген ардагерлер футбол клубы ұйымдастырған жиынға қатысты. Кездесуге «Тараз» футбол командасының аға жаттықтырушысы Ерлан Елеусінов пен команда капитаны Виталий Евстигнеев шақырылды. Алдымен, келген қонақтарға «Тараз» футбол клубының кешегісі мен бүгінгісі тақырыбында баяндама жасалды. Одан кейін қонақтар көкейлерінде жүрген сауалдарын жолдады. Ардагерлер клуб ұжымына алдағы уақытта жас футболшыларды командаға көптеп тартуға, шапшаңдықты арттырып, өз туған жерінің футболын өркендетуге, ат салысуға шақырды. Шынында, «Тараз» футболы қай кезеңде болмасын еліміздегі алдыңғы қатарлы ұжымдардың бірі болған. Оның айғағы осы өңірден Байшақов, Яровенко, Литвиненко сынды атақты футболшылардың шығуы. Тіпті, күні кеше гол соғудан рекорд жасаған Нүркен Мазбаев пен Мұрат Тілешов сынды ойыншылар Жамбыл футболының өкілі. Жиын соңында ардагерлер «Тараз» футбол клубының басшылығына алғысын білдіріп, футболшыларға алдағы ойында тек жеңіс тіледі.
"Тараз" ФК
| № | Команда | И | М | О |
|---|---|---|---|---|
| 1 | Қайрат | 5 | 7-1 | 11 |
| 2 | Елімай | 5 | 8-3 | 11 |
| 3 | Оқжетпес | 5 | 9-5 | 11 |
| 4 | Ордабасы | 5 | 8-4 | 9 |
| 5 | Қызылжар | 5 | 8-4 | 8 |
| 6 | Астана | 5 | 7-6 | 8 |
| 7 | Ұлытау | 5 | 5-4 | 8 |
| 8 | Атырау | 5 | 4-2 | 7 |
| 9 | Ақтөбе | 5 | 7-7 | 7 |
| 10 | Ертіс | 5 | 7-7 | 6 |
| 11 | Жетісу | 5 | 4-7 | 5 |
| 12 | Қайсар | 5 | 1-5 | 3 |
| 13 | Жеңіс | 5 | 2-8 | 3 |
| 14 | Алтай | 5 | 2-5 | 2 |
| 15 | Тобыл | 5 | 4-10 | 2 |
| 16 | Каспий | 5 | 2-7 | 1 |
