«KazFootball.kz» сайты тұсауын кесті
Сайттың ашылу салтанатына ел футболына есімдері таныс тұлғалар тегіс жиылды. Қазақстан футбол федерациясының басшылығы мен аты жанкүйерлерге кеңінен танымал футболшылар қатысып, олар сайт ұжымына жүрекжарды тілектерін арнады. Қазақстан футбол федерациясының бас хатшысы Азамат Айтхожин тұсауын жаңа кескен ақпараттық порталмен бірлесе жұмыс жасайтынын айта кетті. Одан бөлек футбол федерациясынан вице-президент Сейілдә Байшақов, Ұлттық құраманың аға бапкері Нүркен Мәзбаев, баспасөз қызметінің басшысы Дина Тұрарқызы болды. Ал Қазақстан құрамысында талай жылдар капитан болған Қайрат Нұрдәулетов мұндай сайттардың футболшылар үшін де пайдасы зор екендігін атап өтті. Тұсаукесерге құтты болсын айтып келген футболшылар қатарында Нұрдәулетовтен бөлек, Фархадбек Ирисметов, Марат Шахметов, Мұрат Тілешев, Олег Недашковский, Рамиль Нұрмұхамедов, Давид Лория, Әли Әлиев, Елдос Ахметовтер болды.
Кәсіпқой футбол лигасының президенті Олжас Абраев пен ардагер қақпашы Евгений Набойченко сайттың ғұмыры ұзақ болсын деп ақ тілектерін арнады. Сонымен қатар, «Астана» футбол клубының бас менеджері Қайсар Бекенов «KazFootball.kz» сайты мен клуб арасында тығыз қарым-қатынас болатынын жеткізді.
Үнемі назарда жүретін шоу-бизнесс өкілдерінің арасында футбол жанкүйерлері жетіп артылады. Олардың да біршамасы тұсаукесерге арнайы келіп, оң бастаманы қолдайтындықтарын айтты. Есен Елеукен, Мәди Манатбек, Қалқаман Сарин, Нүркен Өтеулов, Ренат Кертаевтар бастаған бір топ азамат сайт қызметкерлеріне сәттілік тіледі.
«KazFootball.kz» сайтында қазақстандық футбол жанкүйерлері ел футболының тыныс тіршілігімен таныса алады. Футбол порталының негізгі бағыты тек Қазақстан футболы жайлы ақпарат тарату. Сайт директоры әрі құрылтайшысы Нағи Бақытбек оқырмандарды қызықтыра түсетін айдарлар футболшыларды жаңа қырынан танытуға септігін тигізеді дейді.
| № | Команда | И | М | О |
|---|---|---|---|---|
| 1 | Ордабасы | 7 | 12-6 | 15 |
| 2 | Қайрат | 6 | 9-1 | 14 |
| 3 | Елімай | 6 | 10-5 | 12 |
| 4 | Оқжетпес | 7 | 11-8 | 12 |
| 5 | Қызылжар | 7 | 10-6 | 11 |
| 6 | Ұлытау | 6 | 7-5 | 11 |
| 7 | Ақтөбе | 7 | 8-8 | 10 |
| 8 | Астана | 6 | 9-8 | 9 |
| 9 | Жетісу | 6 | 6-8 | 8 |
| 10 | Атырау | 6 | 4-3 | 7 |
| 11 | Жеңіс | 7 | 3-8 | 7 |
| 12 | Ертіс | 7 | 8-10 | 6 |
| 13 | Қайсар | 7 | 3-7 | 5 |
| 14 | Алтай | 7 | 3-6 | 4 |
| 15 | Тобыл | 6 | 5-12 | 2 |
| 16 | Каспий | 6 | 2-9 | 1 |
