Әбиірбек Қонысбаев: "Ұлан менің ғана емес, халықтың Ұланы болғанын сезіну, отбасымыз үшін - үлкен қуаныш"
Құрметті Қазақстан футболының жанкүйерлері!
Қытай мен Қазақстан Ұлттық құрамалары арасындағы жолдастық кездесуде жарақат алып қалған Ұланға көрсетіп жатқан қолдауларыңыз бен жанашырлық ниеттеріңіз үшін шексіз алғысымды білдіремін.
Ұлан менің ғана емес, халықтың Ұланы болғанын сезіну, отбасымыз үшін - үлкен қуаныш. Осы бір қиын сәтте Ұланның жанынан табылған мыңдаған жанкүйерлерге, Қазақстан футбол федерациясының басшылығына, жеке Ерлан Тоқтарханұлы Қожағапанов мырзаға алғысым шексіз.
Футболға жəне футбол жүгін арқалап жүрген Ұландай азаматтарға жасап жатқан қамқорлықтарыңыз - еліміз, жұртымыз үшін жасалып жатқан еңбектеріңіздің бір парасы екені анық.
Дегенмен, осы жағдайларды жоққа шығаруға тырысатындар да арамыздан табылып жатыр. Қытай құрамасымен болған ойын мен ойыншылардың жанқиярлық мінез көрсетіп, жеткен жеңісін жоққа шығаруға тырысатын ақпараттар футбол жанкүйерлерінің арасында алауыздық туғызуда. Атап айтқанда, кейбір бұқаралық ақпарат көздерінде Қытай құрамасымен өткізген ойынның пайдасы мен зияны туралы мақалада ойынның зиянды жақтарын термелеп, осы ойынды ұйымдастырған ҚФФ басшылығын айыптап, Ұланның жарақатын да осымен байланыстыруға тырысып жатқандар бар.
Бұл пікірмен келісуге болмайды, себебі мемлекет беделі мен ел абыройын, азаматтардың төккен адал терін жеке мүдделер қызығымен араластыру адамгершілікке жатпайды. Ұланның жарақатынан арзан дау іздеудің қажеті жоқ жəне ұятты тірлік. Осы ретте көршісінің шөбі өртеніп жатқанда, шай қайнатып алуға тырысқан əйел туралы халық даналығы еске түседі.
Сондықтан, алпауыт елдің ойыншыларын тізе бүктірген балаларымыздың еңбегін жоққа шығармайық. Мақтан етейік, бұл еліміз үшін, ұрпағымыз үшін қажет нəрсе жəне жеке мүддеден биік тұратын сезім. Өз басым Ұланның жəне оның əріптестерінің осы тарихи жеңісін мақтан тұтамын. Тағы да өздеріңізге деген шынайы сезімнен туған рақметімді қабыл алыңыздар.
Ұлан Қонысбаевтың əкесі, прокуратура саласының ардагері,
Қонысбаев Əбиірбек Мамытұлы
| № | Команда | И | М | О |
|---|---|---|---|---|
| 1 | Ордабасы | 12 | 21-8 | 28 |
| 2 | Қайрат | 13 | 18-8 | 26 |
| 3 | Оқжетпес | 12 | 16-10 | 23 |
| 4 | Елімай | 12 | 19-14 | 20 |
| 5 | Астана | 12 | 17-13 | 19 |
| 6 | Ұлытау | 12 | 11-12 | 19 |
| 7 | Ақтөбе | 12 | 14-13 | 16 |
| 8 | Жеңіс | 12 | 10-14 | 16 |
| 9 | Қызылжар | 12 | 15-13 | 15 |
| 10 | Атырау | 12 | 8-7 | 14 |
| 11 | Жетісу | 12 | 14-17 | 13 |
| 12 | Қайсар | 13 | 9-17 | 10 |
| 13 | Ертіс | 12 | 13-17 | 9 |
| 14 | Алтай | 12 | 6-10 | 9 |
| 15 | Тобыл | 12 | 10-20 | 9 |
| 16 | Каспий | 12 | 7-15 | 8 |
