Марк Гурман: "Бастысы біз өзімізге тиесілі үш ұпайды алдық"
- Ойын өте қиын болды. Оның үстіне біз екінші таймның басында он ойыншымен қалып қойдық. Сонымен қатар, бүгін ауа-райы да тым ыстық. Қателеспесем 30 градусқа дейін жетті-ау, шамасы. Стадион жабық болған соң, шамалы қапырықтау болды. Бірақ, біз кедергілерге қараған жоқпыз. Бастысы өзімізге тиесілі үш ұпайды алдық.
- Бірінші таймның өзінде "Астана" бірнеше гол соғып, матчтың тағдырын шешіп тастауға болатындай көрінді ...
- Иә, бірінші таймда біздің гол соғатын бірнеше мүмкіндіктеріміз болды. Бірақ, шабуылшыларымызға шамалы дәлдік жетіспеді. Келесі кездесулерде өз мүмкіндіктерімізді толық пайдаланамыз деген ойдамын.
- Келесі кездесуді "Тобылға" қарсы өткізесіздер. Бұл ойыннан не күтесіз?
- Қиын кездесу болатын шығар. Өйткені, "Тобыл" турнир кестесінің төменгі жағында орналасқан. Сонымен қатар, қостанайлық клубтың тізгінін жаңа бапкер ұстады. Мұндай сәттерде жігіттердің жігері екі-үш есе артып кетеді. Барлығы да жаңа бапкерге өздерінің мықты екенін дәлелдегісі келеді. Дейтұрғанмен де, біз қандай қарсылас болса да, тек жеңіс үшін ойнаймыз.
- Әңгімеңізге рақмет!
Уалихан ҚОСАНБАЙ
| № | Команда | И | М | О |
|---|---|---|---|---|
| 1 | Ордабасы | 30 | 59-23 | 68 |
| 2 | Қайрат | 30 | 60-23 | 65 |
| 3 | Астана | 30 | 48-31 | 54 |
| 4 | Оқжетпес | 30 | 49-38 | 54 |
| 5 | Ақтөбе | 30 | 47-39 | 49 |
| 6 | Елімай | 30 | 43-44 | 45 |
| 7 | Тобыл | 30 | 42-42 | 41 |
| 8 | Жеңіс | 30 | 32-40 | 36 |
| 9 | Ұлытау | 30 | 27-38 | 35 |
| 10 | Қызылжар | 30 | 31-42 | 33 |
| 11 | Каспий | 30 | 32-44 | 33 |
| 12 | Ертіс | 30 | 31-44 | 32 |
| 13 | Атырау | 30 | 27-35 | 30 |
| 14 | Алтай | 30 | 31-42 | 28 |
| 15 | Жетісу | 30 | 31-49 | 27 |
| 16 | Қайсар | 30 | 25-41 | 25 |
