Абзал Бейсебеков: "Төрешінің мені алаңнан қуу туралы шығарған шешімі тым қаталдау болған секілді"
— Матч кезінде күн райы ерекше ыстық болып тұрды ғой. Оның үстіне "Астана – Арена" стадионының төбесі ашылмады. Мұндай қапырықта жүгірудің өзі қиын. Дегенмен, біз бірінші таймда алаңда толық үстемдік құрдық. Гол да соғып алдық.
— Екінші тайм барысында "Астана" ойын стилін өзгертіп, көбірек қорғаныста ойнағандай көрінді. Үзіліс кезінде бапкер қандай ақыл-кеңесін айтты?
— Біз ешқандай ойын стилімізді өзгерткеніміз жоқ. Бапкер бірінші таймдағыдай ойнай беруімізді айтты. Екінші тайм барысында да біз допты көп бақылауға тырыстық. Бірақ, кейін мен алаңнан қуылып кеттім ...
— Осы сәтті шамалы ширатып айтып берсеңіз. Ол эпизодта не болды?
— Негізі ол сәтте бірінші Каньясқа қарсы ойын ережесі бұзылған еді. Мен энерциямен Марко Симоновскиді шалып қалдым. Бірақ, төреші маған сары қағаз беріп, мені алаңнан қуды. Ол ойындағы екінші сары қағаз болатын. Төрешінің мені алаңнан қуу туралы шығарған шешімі тым қаталдау болған секілді.
— Енді бұл жағдайға байланысты Тәртіпті бақылау комитетіне шағым білдірмейсіздер ме?
— Жоқ. Себебі маған бірден қызыл қағаз көрсеткен жоқ қой. Екінші сары қағаздан кейін қуылдым. Мұндай жағдайда шағым қабылданбайды.
Уалихан ҚОСАНБАЙ
| № | Команда | И | М | О |
|---|---|---|---|---|
| 1 | Қайрат | 5 | 7-1 | 11 |
| 2 | Елімай | 5 | 8-3 | 11 |
| 3 | Оқжетпес | 5 | 9-5 | 11 |
| 4 | Ордабасы | 5 | 8-4 | 9 |
| 5 | Қызылжар | 5 | 8-4 | 8 |
| 6 | Астана | 5 | 7-6 | 8 |
| 7 | Ұлытау | 5 | 5-4 | 8 |
| 8 | Атырау | 5 | 4-2 | 7 |
| 9 | Ақтөбе | 5 | 7-7 | 7 |
| 10 | Ертіс | 5 | 7-7 | 6 |
| 11 | Жетісу | 5 | 4-7 | 5 |
| 12 | Қайсар | 5 | 1-5 | 3 |
| 13 | Жеңіс | 5 | 2-8 | 3 |
| 14 | Алтай | 5 | 2-5 | 2 |
| 15 | Тобыл | 5 | 4-10 | 2 |
| 16 | Каспий | 5 | 2-7 | 1 |
