Герсон Асеведо: "Мақсатым — "Қайратпен" Қазақстан чемпионы атану"
— Герсон, Қазақстанға қош келдіңіз! "Қайратқа" ауысу туралы ұсыныс қашан және қалай пайда болды?
— "Қайратқа" ауысу туралы ұсыныс осыдан бір айдай бұрын пайда болды. Менің агентім арқылы. Содан кейін бұл ұсынысты қарастырып, Мәскеу қаласында "Қайрат" сапына ауысу туралы келісімге келдік.
— Ал, бұған дейін "Қайрат" туралы, жалпы Қазақстан футболы туралы естуіңіз бар ме еді?
— Шынымды айтсам, жоқ. Қыста мен ресейлік БАҚ өкілдерінен "Астана" клубының маған қызығушылық танытып жүргенін оқыдым. Одан кейін қазақ футболы туралы агентім айтты. "Қайрат" клубының базасы мен тарихы туралы кең әңгімелеп берді.
— Клубтың базасы туралы бір ауыз пікіріңізді айтып өтсеңіз ...
— Өте әдемі база екен. Футбол ойнау үшін барлық жағдай жасалған.
— "Урал" сапында Сіз алыстан шірене тартып, талай голды қақпаға тоғыттыңыз. Жаттығу кезінде Сіз алыстан бағытталатын соққыларыңызға арнайы көңіл бөлесіз бе?
— Әрине. Жаттығу барысында соққыларға арнайы көңіл бөлемін. Бірақ, маған ондай сәттерде шамалы сәттілік те көмектеседі.
— Бұл маусымда алдыңызға қандай мақсат қойып отырсыз?
— Бірінші кезекте "Қайратпен" Қазақстан чемпионы атану. Бұл үшін мен қолымнан келгенін жасап, әр матчта командама көмектесуге тырысамын.
— Жаңа ұжымыңызбен танысып үлгердіңіз бе? "Қайрат" футболшылары Сізді қалай қабылдады?
— Иә, команданың барлық ойыншыларымен таныстым. Ұжым мені өте жылы қабылдады.
— Сұқбаттың соңында жанкүйерлерге бір ауыз тілек айтсаңыз ...
— Стадионға келіп, команданы қолдаңыздар. Ал, біз өз кезегімізде сіздерді жарқын жеңіспен қуантуға уәде береміз.
Уалихан ҚОСАНБАЙ
| № | Команда | И | М | О |
|---|---|---|---|---|
| 1 | Қайрат | 7 | 11-3 | 15 |
| 2 | Ордабасы | 7 | 12-6 | 15 |
| 3 | Елімай | 7 | 12-7 | 13 |
| 4 | Оқжетпес | 7 | 11-8 | 12 |
| 5 | Астана | 7 | 11-9 | 12 |
| 6 | Қызылжар | 7 | 10-6 | 11 |
| 7 | Жетісу | 7 | 8-8 | 11 |
| 8 | Ұлытау | 7 | 7-7 | 11 |
| 9 | Ақтөбе | 7 | 8-8 | 10 |
| 10 | Атырау | 7 | 5-5 | 7 |
| 11 | Жеңіс | 7 | 3-8 | 7 |
| 12 | Ертіс | 7 | 8-10 | 6 |
| 13 | Қайсар | 7 | 3-7 | 5 |
| 14 | Тобыл | 7 | 7-13 | 5 |
| 15 | Алтай | 7 | 3-6 | 4 |
| 16 | Каспий | 7 | 3-11 | 1 |
