Асхат Тағыберген: "Келесі жылы Еуропа Лигасында сәтті ойын көрсетуге тырысамыз"
- Асхат, жеңіс құтты болсын! Қызылордалықтар осы жеңісті 20 жыл күтті ғой.
- Иә, осы Кубокты 20 жыл күттік. Енді қызылордалықтарға келесі жылы, Құдай қаласа, Еуропа Лигасында сәтті ойын көрсетуге тырысамыз. Барлық қызылордалық жанкүйерлерді және арнайы Қырымбек Көшербаев ағамызды осы жеңіспен шын жүрекпен құттықтаймын!
- Соңғы минутқа дейін жеңіліп жаттыңыздар және бір ойыншыға кем ойнадыңыздар. Сендіңіздер ме жеңіске жететіндеріңізді?
- Әрине, сендік! Қызыл қағаз алғаным үшін барлық жанкүйерлерден кешірім сұраймын! Дегенмен, достарым бар екенін сездім, олар ойынды алып шықты.
- Жанкүйерлердің қолдауы сезілген шығар.
- Әрине, көріп отырғаныңыздай, Қызылордадан 5 мыңдай адам келген шығар. Осыны 20 жыл күтіп, мерейтойға жеттік деп ойлаймын.
- «Қайсар» тұңғыш рет еурокубокта ойнайын деп жатыр. Бұл туралы не айтасыз?
- Қалай айтсам, толқып та тұрмын. Енді, Құдай қаласа, Қызылордаға бір еуропалық командасын алып келеміз деп ойлаймын.
Сейіл Қожатай
| № | Команда | И | М | О |
|---|---|---|---|---|
| 1 | Ордабасы | 14 | 26-9 | 34 |
| 2 | Қайрат | 16 | 26-11 | 33 |
| 3 | Оқжетпес | 14 | 20-13 | 27 |
| 4 | Ұлытау | 14 | 13-13 | 23 |
| 5 | Ақтөбе | 14 | 18-13 | 22 |
| 6 | Астана | 14 | 19-15 | 22 |
| 7 | Елімай | 14 | 21-19 | 20 |
| 8 | Атырау | 14 | 11-9 | 18 |
| 9 | Жеңіс | 14 | 11-16 | 17 |
| 10 | Жетісу | 14 | 19-22 | 15 |
| 11 | Қызылжар | 15 | 17-22 | 15 |
| 12 | Қайсар | 15 | 11-18 | 14 |
| 13 | Тобыл | 14 | 13-22 | 12 |
| 14 | Ертіс | 14 | 13-19 | 10 |
| 15 | Алтай | 14 | 9-15 | 10 |
| 16 | Каспий | 14 | 8-19 | 8 |
