Алдан Балтаев: "Атыраумен" бір жылдық келісім-шарт жасадым"
— Алдан, «Атырау» клубымен қанша уақытка келісім-шарт жасадыңыз.
— «Атыраумен» бір жылдық келісім-шарт жасадым. Яғни, келер маусымның соңына дейін «Атырау» сапында өнер көрсететін боламын.
— Сізге басқа клубтардан ұсыныс болған жоқ па?
— Болды. Үш-төрт клуб ұсыныс жасады. Бірақ, олардың барлығымен агенттерім сөйлесті. Маған жеке тек «Жетісу» клубының жаңа бапкері Алмас Құлшынбаев қоңырау шалып, Талдықорғанға шақырды. Содан кейін бірден «Атыраудан» хабарласты. Мен «Атыраудың» бас бапкері Владимир Никитенконы жақсы танимын. 2008-2011 жылдары «Қайсарды» жаттықтырды. Сол кісімен сөйлескеннен кейін, мен бірден «Атырау» сапына ауысуды жөн санадым.
— «Атырау» бірінші оқу-жаттығу жиындарын аяқтады. Бірінші дайындық қалай өтті?
— Жақсы өтті. Мен Владимир Андреевичтің жаттығуды қалай өткізетінін білемін. Сондықтан, қиын болған жоқ. Бірінші жиын кезінде әріптестеріммен таныстым. Барлығы да жақсы қабылдады. Содан кейін жаттығу жұмыстарына кірістік. Жылдың басындағы бірінші жаттығу жиындары болған соң, бапкерлер футболшыларды қатты қинамайды. Алдымен футболшының денесін үйрету үшін физикалық жаттығулар жасатады. Арасында доппен де жаттығу өткіздік. Енді бұйырса ертең екінші жаттығу-жиындарына барамыз. Ол да Түркияда өтеді. Екінші жиында тактикаға көп көңіл бөліп, доппен көп жұмыс істейміз.
Сурет: sports.kz
| № | Команда | И | М | О |
|---|---|---|---|---|
| 1 | Ордабасы | 7 | 12-6 | 15 |
| 2 | Қайрат | 6 | 9-1 | 14 |
| 3 | Елімай | 6 | 10-5 | 12 |
| 4 | Оқжетпес | 7 | 11-8 | 12 |
| 5 | Қызылжар | 7 | 10-6 | 11 |
| 6 | Ұлытау | 6 | 7-5 | 11 |
| 7 | Ақтөбе | 7 | 8-8 | 10 |
| 8 | Астана | 6 | 9-8 | 9 |
| 9 | Жетісу | 6 | 6-8 | 8 |
| 10 | Атырау | 6 | 4-3 | 7 |
| 11 | Жеңіс | 7 | 3-8 | 7 |
| 12 | Ертіс | 7 | 8-10 | 6 |
| 13 | Қайсар | 7 | 3-7 | 5 |
| 14 | Алтай | 7 | 3-6 | 4 |
| 15 | Тобыл | 6 | 5-12 | 2 |
| 16 | Каспий | 6 | 2-9 | 1 |
