Ардақ Сәулет: «Бірінші лига деп қарсыластарды төмен, әлсіз санаған жөн емес»
– Ойын өте қиын болды, қауіпті сәттер екі жақтан да болғасын, біздің жолымыз болды десем қателеспеймін. Бұл жерде, әрине, бірнеше факторларды айтуға болады: біз осыған дейін бар ойынды шөпте ойнап, кеше жасанды төсенішке шыққасын допты ұстау, пас беру қиынға түсті. «Арыстың» да жеңіске деген құштарлығын, көрсеткен жақсы ойынын мойындау керек. Жалпы жанкүйерлерге де айтарым, Бірінші лига деп қарсыластарды төмен, әлсіз санаған жөн емес. Қазақта «бақ шаба ма, бап шаба ма» деген аталы сөз бар, әр ойынға тыңғылықты дайындалып, жоғары ойынды көрсетуді талап етеді. Жалпы жеңісті гол салғаныма өте қуаныштымын. Бұл мүмкіндігімді ұзақ күттім. Алаңға шыққанымда ойымда тек командаға көмектесу болды. Қандай тәсілмен болса да, жеңісті жұлып алу басты мақсат болды. Біріншілік басталғалы гол салсам деген арманым еді, себебі менің ойымдарымды үзбей қарайтын, қайда болсамда менің тілеуімді тілеп жүретін Сәулет атам осыдан 3 ай бұрын дүниеден өткен болатын. Сол үшін осы голымды сол кісінің құрметіне арнаймын. Сонымен қатар 4-5 ойын қатарынан қосалқы құрамда отырып қалған кезде, мені іздеп қолдау көрсеткен жақындарыма және жанкүйерлерге үлкен алғысымды білдіремін. Бәрі өзіміздің қолымызда, Алла жазса «Ақтөбені» жоғарғы лигаға қайтарамыз, және сол үшін аянбай еңбек етеміз.
| № | Команда | И | М | О |
|---|---|---|---|---|
| 1 | Ордабасы | 27 | 55-19 | 64 |
| 2 | Қайрат | 27 | 52-20 | 60 |
| 3 | Астана | 27 | 44-27 | 51 |
| 4 | Ақтөбе | 27 | 41-32 | 45 |
| 5 | Оқжетпес | 27 | 41-37 | 45 |
| 6 | Елімай | 27 | 38-37 | 41 |
| 7 | Тобыл | 27 | 35-36 | 37 |
| 8 | Ұлытау | 27 | 26-32 | 35 |
| 9 | Жеңіс | 27 | 27-34 | 32 |
| 10 | Каспий | 27 | 29-37 | 32 |
| 11 | Қызылжар | 27 | 28-40 | 27 |
| 12 | Атырау | 27 | 21-31 | 26 |
| 13 | Ертіс | 27 | 26-37 | 26 |
| 14 | Алтай | 27 | 27-38 | 25 |
| 15 | Қайсар | 27 | 23-37 | 24 |
| 16 | Жетісу | 27 | 26-45 | 22 |
