Сергей Кейлер «Алтай» сапына ауысуы мүмкін
Сергей Кейлердің 2015 жылдың соңында «Қайсар» клубымен келісім-шарт мерзімі аяқталған болатын. Содан кейін 21 жастағы футболшы Павлодардың «Ертіс» клубы сапында биылғы маусымдағы бірінші оқу-жаттығу жиындарын өткізген. Өкінішке қарай, Түркия жерінде өткен жаттығу жиындарының қорытындысы бойынша, «Ертіс» бапкерлері Кейлермен келісім-шарт жасауды жөн көрмепті.
Қазір футболшы Алматыда. Өздігінен жаттығу жиындарын өткізіп жатыр. Біздің қолда бар мәлімметтер бойынша, ол ертең «Алтай» командасына қосылып, Игорь Востриков командасында бақылаудан өтеді екен.
— Өкінішке қарай, «Ертіспен» келісімге келе алмадым. Негізі, сол клубтың қатарында қалғым келген. Қазір өздігімнен жаттығу жұмыстарын жасап жүрмін. «Қайсар» клубынан ұсыныс түсті. Бірақ, мен Қызылордаға қайта оралуды жөн санамадым. Содан кейін «Алтай» басшылары хабарласып, команда бапкерлерінің бақылауынан өтуімді сұрадым. Бұйырса, ертең «Алтаймен» бірге оқу-жаттығу жиындарына барамын, - дейді футболшы.
Сурет: prosportkz.kz
| № | Команда | И | М | О |
|---|---|---|---|---|
| 1 | Қайрат | 6 | 9-1 | 14 |
| 2 | Ордабасы | 6 | 10-5 | 12 |
| 3 | Елімай | 6 | 10-5 | 12 |
| 4 | Қызылжар | 6 | 9-4 | 11 |
| 5 | Оқжетпес | 6 | 10-7 | 11 |
| 6 | Ұлытау | 6 | 7-5 | 11 |
| 7 | Астана | 6 | 9-8 | 9 |
| 8 | Жетісу | 6 | 6-8 | 8 |
| 9 | Атырау | 6 | 4-3 | 7 |
| 10 | Ақтөбе | 6 | 7-8 | 7 |
| 11 | Ертіс | 6 | 8-9 | 6 |
| 12 | Жеңіс | 6 | 3-8 | 6 |
| 13 | Қайсар | 6 | 2-6 | 4 |
| 14 | Алтай | 6 | 3-6 | 3 |
| 15 | Тобыл | 6 | 5-12 | 2 |
| 16 | Каспий | 6 | 2-9 | 1 |
