Азамат Айтқожин: «Болашақта «Түркістан-Аренада» Ұлттық құраманың жолдастық кездесуін өткіземіз»
– Біздің өте қасиетті, киелі Түркістан жерімізде, осындай керемет стадион салынғанына өте қуанып отырмыз. Айта кеткім келгені, осындай стадиондар бүкіл Қазақстан қалаларында, біздің жасөспірімдеріміз үшін салынса, өте жақсы болады деп ойлаймын. Бұл стадионда Премьер-лигада «Тұран» командасы ойнайтын болады, осындай әдемі ғимарат салынғанына өте қуанышты болып отырмыз. Және де, Түркістан облысының әкімдігіне үлкен рахмет айтып кеткіміз келеді.
– Түркістан облысының әкімі Өмірзақ Шөкеев, осы стадионда неғұрлым көп ойын өткізілсе деген тілегін білдіріп, Қазақстан футбол федерациясына өзінің алғысын айтты. Сізден сұрайын дегеніміз, болашақта Ұлттық құраманың ойындары осы жаңа стадионда өткізілуі мүмкін бе?
– Әрине өтуі мүмкін, неге десеңіз, осы стадионда үлкен матчтарды өткізу керек. Болашақта «Түркістан-Арена»-да Ұлттық құраманың жолдастық кездесулерінің бірін, және де Қазақстан жастар құрамасының ойындарын өткіземіз деген үміттеміз. Қайталап кетейін, стадион өте керемет, айта берсек – сөз көп.
– Стадион УЕФА талаптарына сайма?
– Иә, талаптардың бәріне сай, стадион өзіне 7 500 адамды сыйдыра алады, егер жан-жағына трибуналар қойсақ, 10000 адамды өзіне қабылдай алатын болады.
Видео: ҚФФ
| № | Команда | И | М | О |
|---|---|---|---|---|
| 1 | Ордабасы | 27 | 55-19 | 64 |
| 2 | Қайрат | 27 | 52-20 | 60 |
| 3 | Астана | 27 | 44-27 | 51 |
| 4 | Ақтөбе | 27 | 41-32 | 45 |
| 5 | Оқжетпес | 27 | 41-37 | 45 |
| 6 | Елімай | 27 | 38-37 | 41 |
| 7 | Тобыл | 27 | 35-36 | 37 |
| 8 | Ұлытау | 27 | 26-32 | 35 |
| 9 | Жеңіс | 27 | 27-34 | 32 |
| 10 | Каспий | 27 | 29-37 | 32 |
| 11 | Қызылжар | 27 | 28-40 | 27 |
| 12 | Атырау | 27 | 21-31 | 26 |
| 13 | Ертіс | 27 | 26-37 | 26 |
| 14 | Алтай | 27 | 27-38 | 25 |
| 15 | Қайсар | 27 | 23-37 | 24 |
| 16 | Жетісу | 27 | 26-45 | 22 |
