Серік Жаманқұлов Еуропа біріншілігінің үздік сұрмергендері қатарында
32 жастағы Қазақстан құрамасының шабуылшысының еншісінде 3 гол бар. Мұндай көрсеткішпен Жаманқұлов үздік сұрмергендер арасында Португалия құрамасының шабуылшысы Рикардиньюмен екінші орынды бөлісіп тұр. Ал, сұрмергендер арасында 4 гол соққан Венгрия құрамасының шабуылшысы Золтан Дрот бірінші орынға жайғасқан.
Қазақстан құрамасының қорғаушысы Дуглас болса қақпаға қарай қисық соққы бағыттау бойынша екінші орында келеді. Екі ойында 27 жастағы қорғаушы қарсылас қақпасына 11 мәрте қисық соққы жасаған екен. Бұл көрсеткіш бойынша 15 қисық соққы жасаған Словакия құрамасының шабуылшысы Гашпер Врховец бірінші орында тұр.
Тағы да бір Қазақстан құрамасының ойыншысы Павел Таку да Еуропа біріншілігінің үздіктерінің қатарында. "Астана - Тұлпар" клубының шабуылшысы Хорватия құрамасына қарсы кездесуде әріптестеріне екі нәтижелі пас беріп, Алекс (Испания), Бебе (Испания), Дмитрий Лысков (Ресей), Поулинью (Португалия), Аугусто (Әзірбайжан) секілді ойыншылармен бірге үздік ассистентердің қатарында.
Сурет: ru.uefa.com
| № | Команда | И | М | О |
|---|---|---|---|---|
| 1 | Ордабасы | 28 | 58-20 | 67 |
| 2 | Қайрат | 28 | 57-20 | 63 |
| 3 | Астана | 28 | 46-29 | 52 |
| 4 | Оқжетпес | 28 | 42-37 | 48 |
| 5 | Ақтөбе | 28 | 42-35 | 45 |
| 6 | Елімай | 28 | 40-38 | 44 |
| 7 | Тобыл | 28 | 39-38 | 40 |
| 8 | Ұлытау | 28 | 27-34 | 35 |
| 9 | Каспий | 28 | 31-39 | 33 |
| 10 | Жеңіс | 28 | 29-38 | 32 |
| 11 | Атырау | 28 | 22-32 | 27 |
| 12 | Қызылжар | 28 | 28-41 | 27 |
| 13 | Алтай | 28 | 28-39 | 26 |
| 14 | Ертіс | 28 | 26-42 | 26 |
| 15 | Жетісу | 28 | 28-46 | 25 |
| 16 | Қайсар | 28 | 24-39 | 24 |
