Бүгін Қазақстан жастар құрамасы Швейцариямен кездеседі
Біздің құрама төрт ұпаймен тоғызыншы топта төртінші орында келеді. Ал, Швейцария құрамасы турнир кестесінде екінші орынға жайғасқан. Тура бір жыл бұрын Алматыда өткен ойында Швейцария құрамасы 1:0 есебімен жеңіске жеткен еді. Сол ойында Швейцария футболшылары кездесудің соңғы минутында гол соққан болатын.
Вахид Масудов шәкірттері қазан айында 2017 жылғы Еуропа Чемпионатының іріктеу турнирі аясында екі матч өткізеді. 6 қазан күні Англия құрамасын қабылдаса, бес күннен кейін Норвегия футболшылары келеді. Екі ойын да Ақтөбе қаласында өтеді.
Еуропа Чемпионатының финалдық турниріне тікелей жолдама әр топтың жеңімпазына беріледі. Ал, екінші орын алған төрт үздік команда финал жолдамасын өзара сарапқа салады.
Қазақстан жастар құрамасының Швейцариямен өтетін ойынға қатысатын құрамы:
Қақпашылар: Михаил Голубничий, Илья Караваев, Станислав Павлов
Қорғаушылар: Темірлан Әділханов, Рафкат Аслан, Қуаныш Қалмұратов, Антон Куксин, Тимур Рудосельский, Григорий Сартаков, Карам Сұлтанов
Жартылай қорғаушылар: Алтынбек Сапаров, Берік Шайхов, Иван Антипов, Мирас Төлиев, Еркебұлан Тұңғышбаев, Ян Вороговский, Дидар Жалмұқан
Шабуылшылар: Самит Чулагов, Темірлан Әлмұрзаев, Максим Федин, Әлішер Сулей, Руслан Валиулин, Сергей Ветров.
ҚФФ
| № | Команда | И | М | О |
|---|---|---|---|---|
| 1 | Қайрат | 6 | 9-1 | 14 |
| 2 | Ордабасы | 6 | 10-5 | 12 |
| 3 | Елімай | 6 | 10-5 | 12 |
| 4 | Қызылжар | 6 | 9-4 | 11 |
| 5 | Оқжетпес | 6 | 10-7 | 11 |
| 6 | Ұлытау | 6 | 7-5 | 11 |
| 7 | Астана | 6 | 9-8 | 9 |
| 8 | Жетісу | 6 | 6-8 | 8 |
| 9 | Атырау | 6 | 4-3 | 7 |
| 10 | Ақтөбе | 6 | 7-8 | 7 |
| 11 | Ертіс | 6 | 8-9 | 6 |
| 12 | Жеңіс | 6 | 3-8 | 6 |
| 13 | Қайсар | 6 | 2-6 | 4 |
| 14 | Алтай | 6 | 3-6 | 3 |
| 15 | Тобыл | 6 | 5-12 | 2 |
| 16 | Каспий | 6 | 2-9 | 1 |
