Юрий Логвиненко Ресей біріншілігінде өнер көрсетуі мүмкін
Жуырда Ақтөбе облысының әкімі Бердібек Сапарбаев келер жылдан бастап футболдан Қазақстан біріншілігінде өнер көрсететін «Ақтөбе» клубының бюджеті қысқартылатыны туралы айтқан болатын. Осыған орай, келер жылы батысқазақстандық клуб сапында легионерлердің қарасы азайып қалуы мүмкін. Облыс әкімі осы уақытқа дейін клуб сапында жоғары жалақы алып келген футболшылармен қош айтысып, олардың орындарына жас футболшыларды командаға шақыртатынын жеткізген-ді. Қаржылық қиындықтарға байланысты «Ақтөбе» келер маусымда тек легионерлерінен емес, сонымен қатар, жалақы көп алатын қазақстандық футболшыларынан да айырылып қалуы мүмкін. Ресейлік басылымдардың таратқан мәліметі бойынша, бүгінгі таңда еліміздегі ең бағалы әрі ең мықты қорғаушылардың бірі – Юрий Логвиненконы ресейлік үш-төрт клуб өз қатарларында көргісі келеді екен. Бірақ, қазақстандық қорғаушыға нақты қай командалар көз қырын салып отырғаны белгісіз болып тұр.
Фото "sports.kz" сайтынан алынды
| № | Команда | И | М | О |
|---|---|---|---|---|
| 1 | Ордабасы | 26 | 51-18 | 61 |
| 2 | Қайрат | 26 | 51-20 | 57 |
| 3 | Астана | 25 | 42-25 | 48 |
| 4 | Оқжетпес | 26 | 41-35 | 45 |
| 5 | Ақтөбе | 26 | 38-31 | 42 |
| 6 | Елімай | 25 | 35-33 | 38 |
| 7 | Тобыл | 26 | 33-35 | 34 |
| 8 | Жеңіс | 26 | 26-32 | 32 |
| 9 | Ұлытау | 26 | 24-32 | 32 |
| 10 | Каспий | 26 | 27-36 | 29 |
| 11 | Ертіс | 25 | 26-34 | 26 |
| 12 | Алтай | 26 | 26-36 | 25 |
| 13 | Қайсар | 26 | 22-33 | 24 |
| 14 | Қызылжар | 26 | 26-40 | 24 |
| 15 | Атырау | 25 | 18-28 | 23 |
| 16 | Жетісу | 26 | 26-44 | 22 |
