Лукаш Пищек: "Екінші таймда біз тым сылбыр қимылдадық"
— Лукаш, күллі Польша бұл ойыннан үш ұпай күткен еді. Не болды? Бұл масқара ма, әлде сәтсіздік пе?
— Ешқандай да масқара емес. Ойынның бірінші таймы барысында бәрі жақсы болған еді. Ал, екінші таймның алғашқы 15-ші минутында не болғанын түсінбей қалдық. Осы кезде қарсыластың қарқынына төтеп бере алмадық. Бұл - біздің қателік. Қатты босаңсып кеттік. Қазақстан есепті теңестіргеннен кейін, сенімді қимылдап, бір ұпайды алды. Біз үшін бұл ойын - үлкен сабақ болды. Енді мұндай қателіктерді қайталамауға тырысамыз.
— Үзіліс кезінде бапкер қандай кеңес берді?
— Осы қарқынымызды сақтап, ойынды бақылауымызды сұрады. Шынымды айтсам, екінші таймда қазақтар бас сала алға ұмтылады деп ойламадым. Жігерлі жігіттер екен. Негізі біз үшінші голды соғуға шыққан едік. Бірақ, 10 минуттың ішінде таразы басын теңестіруге мүмкіндік беріп қойдық.
— Қазақстан есепті теңестіргеннен кейін ойын дөрекі өте бастады. Сары қағаздар тым көп болды. Соның бірін Сіз де алып алдыңыз ...
— Негізі ойын бірінші таймның басынан-ақ дөрекі басталды. Біз екінші таймда сылбыр қимылдап, босаңсып кеттік. Менің сары қағаз алуымның да себебі сол. Іріктеу енді ғана басталды. Електеудің соңында әлем чемпионатының финалдық кезеңіне шығуға бұл ойын кедергі болмайды деп ойлаймын.
Уалихан Қосанбай
| № | Команда | И | М | О |
|---|---|---|---|---|
| 1 | Ордабасы | 29 | 59-21 | 68 |
| 2 | Қайрат | 28 | 57-20 | 63 |
| 3 | Астана | 28 | 46-29 | 52 |
| 4 | Оқжетпес | 29 | 45-37 | 51 |
| 5 | Ақтөбе | 28 | 42-35 | 45 |
| 6 | Елімай | 28 | 40-38 | 44 |
| 7 | Тобыл | 29 | 40-39 | 41 |
| 8 | Ұлытау | 29 | 27-35 | 35 |
| 9 | Жеңіс | 29 | 30-39 | 33 |
| 10 | Каспий | 29 | 31-42 | 33 |
| 11 | Қызылжар | 29 | 29-41 | 30 |
| 12 | Атырау | 28 | 22-32 | 27 |
| 13 | Алтай | 28 | 28-39 | 26 |
| 14 | Ертіс | 28 | 26-42 | 26 |
| 15 | Жетісу | 29 | 29-47 | 26 |
| 16 | Қайсар | 28 | 24-39 | 24 |
