Александр Кислицын: "Біз ешқашан, ешкімнен қорықпағанбыз"
— Александр, алдымен ойын туралы өз ойыңызбен бөлісе кетсеңіз ...
— Өздеріңіз көргендеріңіздей, ойын өте тартысты өтті. Біз ешқашан, ешкімнен қорықпағанбыз. Польша құрамасына қарсы да тек жеңіс үшін шықтық. Шыны керек, бірінші таймды біз ойдағыдай өткізе алмадық. Бірақ, екінші таймда жағдайымызды дұрстадық.
— Үзіліс кезінде Талғат Маруанұлы қандай кеңес берді?
— Артық ештеме айтпады. Тек екінші таймда қорықпай ойнауымызды сұрады. 1-2 минут жігерлендіретін сөз айтты. Ары қарай жігіттердің өзі де не істеу керек екенін білді.
— Сіз өнер көрсеткен позиция арқылы Аркадиуш Милик жиі шабуылдады. Бұл футболшыға қарсы тұру қиын болмады ма?
— Жоқ. Милик те, Левандовкси да адам. Оларды тұсап ұстауға болады. Одан бөлек, біздің капталмен Блащиковски да шабуыл жасады. Бірақ, біз кеше жұмылған жұдырық болдық. Барлық жігіттер қорғаныста да, шабуылда да ұйымдаса өнер көрсетті.
— Ұлттық құрама сапына бірнеше уақыт шақырту ала алмаған едіңіз. Міне, қайта қосылдыңыз. Оның үстіне негізгі құрам ойыншысы деген Юрий Логвиненконы жоқтатпадыңыз. Ұзақ уақыттан кейін құрама жейдесін кигенде қандай сезімде болдыңыз?
— Қуанышты болдым. Әр футболшының басты мақсаты – ұлттық құрама сапына шақырту алу ғой. Ал, шақырту алып, негізгі құрамда өнер көрсету тіптен керемет. Маған сенім артқан бапкерлер мен жанкүйерлерге алғыс айтқым келеді.
Уалихан Қосанбай
| № | Команда | И | М | О |
|---|---|---|---|---|
| 1 | Ордабасы | 29 | 59-21 | 68 |
| 2 | Қайрат | 28 | 57-20 | 63 |
| 3 | Астана | 28 | 46-29 | 52 |
| 4 | Оқжетпес | 29 | 45-37 | 51 |
| 5 | Ақтөбе | 28 | 42-35 | 45 |
| 6 | Елімай | 28 | 40-38 | 44 |
| 7 | Тобыл | 29 | 40-39 | 41 |
| 8 | Ұлытау | 29 | 27-35 | 35 |
| 9 | Жеңіс | 29 | 30-39 | 33 |
| 10 | Каспий | 29 | 31-42 | 33 |
| 11 | Қызылжар | 29 | 29-41 | 30 |
| 12 | Атырау | 28 | 22-32 | 27 |
| 13 | Алтай | 28 | 28-39 | 26 |
| 14 | Ертіс | 28 | 26-42 | 26 |
| 15 | Жетісу | 29 | 29-47 | 26 |
| 16 | Қайсар | 28 | 24-39 | 24 |
