Сергей Хижниченко Қазақстан Ұлттық құрамасы сапында дубль жасаудан бірінші орынға шықты
Ең алғашқы дубльді 1992 жылдың 26 қазанында екібастұздық шабуылшы Николай Курганский жасады. Ол халықаралық турнирде Қырғызстан құрамасының қақпасына небары екі минут ішінде (34 және 35 минуттарда) екі гол тоғытты. Ең жылдам дубль авторы — осы Курганский.
Екінші жылдам дубльді қорғаушы Юрий Логвиненко 2014 жылдың 13 қазанында Чехия қақпасына (Қазақстан — Чехия — 2:4) жеті минут ішінде соқты. Ол 84 және 90+1 минуттарда баспен дәл соққылар жасап, есеп айырмасын қысқартты.
Сергей Хижниченко да Польшамен ойында жеті минутта (51 және 58 минуттарда) мергендік танытып, Логвиненко көрсеткішін қайталады.
Сонымен қатар, Хижниченко Қазақстан құрамасы сапында дубль жасаудан бірінші орынға шықты. Ол бұған дейін Андорра және Қырғызстан құрамаларының қақпасына екі реттен доп соққан болатын. Демек, ол осы жолы үшінші дублін тіркеп отыр.
Хижниченкодан кейін Руслан Балтиев тұр. Ол екі жолдастық кездесуде (БАӘ — Қазақстан — 5:2, Қазақстан — Эстония — 2:0) дубль жасады.
| № | Команда | И | М | О |
|---|---|---|---|---|
| 1 | Қайрат | 4 | 6-0 | 10 |
| 2 | Ордабасы | 4 | 7-3 | 8 |
| 3 | Елімай | 4 | 7-3 | 8 |
| 4 | Оқжетпес | 4 | 7-4 | 8 |
| 5 | Астана | 4 | 6-5 | 7 |
| 6 | Ертіс | 4 | 6-5 | 6 |
| 7 | Қызылжар | 4 | 4-4 | 5 |
| 8 | Ұлытау | 4 | 3-3 | 5 |
| 9 | Жетісу | 4 | 4-6 | 5 |
| 10 | Атырау | 4 | 2-2 | 4 |
| 11 | Ақтөбе | 4 | 6-7 | 4 |
| 12 | Жеңіс | 4 | 2-4 | 3 |
| 13 | Қайсар | 4 | 1-3 | 3 |
| 14 | Алтай | 4 | 1-3 | 2 |
| 15 | Каспий | 4 | 2-6 | 1 |
| 16 | Тобыл | 4 | 3-9 | 1 |
