Антон Цырин: "Лорияны жоқтатпауға тырысамын"
— Екі мықты қарсылас арасында өткен ойын болды. Теңдей өтті десе болады. Тіпті, кейбір сәттерде біз "Ордабасыдан" мықты болған едік. Өкінішке орай, ұпай ала алмадық. Жанкүйерлерден кешірім сұрағым келеді. Келесі ойында сіздердің көңілдеріңізден шығамыз деген ойдамын, - дейді қақпашы.
— Ойын алдында Давид Лорияның жарақат алып, маусым соңына дейін қатардан шығып қалғаны туралы хабар тарады. Мұны Сізге өзіңізді жақсы қырынан көрсетудің керемет мүмкіндігі деп қарастыруға болады ма?
— Солай шығар. Давид Лорияның жарақат алып қалғаны өкінішті. Ол "Ертістің" ғана емес, Қазақстан Қлттық құрамасының да қақпашысы. Мен негізгі құрамдағы орынды бұлай емес, таласып алғым келеді. Енді Лорияны жоқтатпауға тырысамын.
— Биылғы маусымда "Ертіс" үшінші орыннан да айырылып қалуы мүмкін. Өйткені, "Ордабасы" жақындап қалды. Ал, "Оқжетпестің" бір ойыны артық екенін еске алатын болсақ, көкшетаулықтар үшінші орынға көтеріледі. Жалпы, биыл "Ертіс" жүлдегерлер қатарына қосыла алады ма?
— "Ертістің" үздік үштікте болуы үшін қолдан келгеннің барлығын жасаймыз. Алғашқы екі айналымның қорытындысы бойынша, біз қарсыластарымыздан едәуір ұзап кеткен едік. Екінші кезеңнен бастап жолымыз болмай кетті. Команда ішінде де азды-кемді қиындықтар болды. Қазір оның барлығы артта. Енді үшінші орынға ілігу үшін ұпайдан шашау шығармауымыз керек.
Уалихан Қосанбай
| № | Команда | И | М | О |
|---|---|---|---|---|
| 1 | Ордабасы | 30 | 59-23 | 68 |
| 2 | Қайрат | 30 | 60-23 | 65 |
| 3 | Астана | 30 | 48-31 | 54 |
| 4 | Оқжетпес | 30 | 49-38 | 54 |
| 5 | Ақтөбе | 30 | 47-39 | 49 |
| 6 | Елімай | 30 | 43-44 | 45 |
| 7 | Тобыл | 30 | 42-42 | 41 |
| 8 | Жеңіс | 30 | 32-40 | 36 |
| 9 | Ұлытау | 30 | 27-38 | 35 |
| 10 | Қызылжар | 30 | 31-42 | 33 |
| 11 | Каспий | 30 | 32-44 | 33 |
| 12 | Ертіс | 30 | 31-44 | 32 |
| 13 | Атырау | 30 | 27-35 | 30 |
| 14 | Алтай | 30 | 31-42 | 28 |
| 15 | Жетісу | 30 | 31-49 | 27 |
| 16 | Қайсар | 30 | 25-41 | 25 |
