Бранислав Трайкович: "Үшінші орын үшін таласқа қайта қосылдық"
— Бранислав, жеңістеріңіз құтты болсын!
— Рақмет. Біз үшін бұл аса маңызды жеңіс. Турнирлік кестедегі жағдайымызды шамалы да болсын жақсартып алдық. Үшінші орын үшін таласқа қайта қосылдық деуге болады. Енді осы қалыптан таймау керекпіз.
— Расында, Сіздер қазір үздік үштікті түйіндеп тұрған "Ертістен" бір ғана ұпай қалып келесіздер. Бірақ, "Оқжетпесте" екі артық ойын бар. Оның үстіне келесі турда Сіздер көкшетаулықтармен күш сынасасыздар. Владимир Муханов командасынан оза аласыздар ма?
— Озу керекпіз. Оның үстіне биылғы маусымда біз "Оқжетпесті" әлі жеңген жоқпыз (0:2, 2:2 – ред). Шымкенттегі ойында ұпайдан шашау шығарсақ, онда үшінші орынға таласу қиын болады. Қазіргі уақытта команда ойыншыларының барлығы осы ойынға дайындалып жатыр. Міндетті түрде жеңу керекпіз.
— "Ертіспен" өткен ойындағы пенальти туралы айтып берсеңіз. Қалай болды?
— Ол жерде мен жағдайдың барлығын бақылып тұрған едім. Алмат Бекбаев допты оңай алады деп ойладым. Бірақ, Карлос Фонсека сытылып шыға келді. Менің ойымша, ол жерде пенальти болған жоқ. Алмат таза допқа ойнады. Бірақ, төреші тосыннан шешім шығарып, пенальти белгіледі. Абырой болғанда, бұл біздің толық үш ұпай алуымызға еш кедергі болмады.
Уалихан Қосанбай
| № | Команда | И | М | О |
|---|---|---|---|---|
| 1 | Ордабасы | 30 | 59-23 | 68 |
| 2 | Қайрат | 30 | 60-23 | 65 |
| 3 | Астана | 30 | 48-31 | 54 |
| 4 | Оқжетпес | 30 | 49-38 | 54 |
| 5 | Ақтөбе | 30 | 47-39 | 49 |
| 6 | Елімай | 30 | 43-44 | 45 |
| 7 | Тобыл | 30 | 42-42 | 41 |
| 8 | Жеңіс | 30 | 32-40 | 36 |
| 9 | Ұлытау | 30 | 27-38 | 35 |
| 10 | Қызылжар | 30 | 31-42 | 33 |
| 11 | Каспий | 30 | 32-44 | 33 |
| 12 | Ертіс | 30 | 31-44 | 32 |
| 13 | Атырау | 30 | 27-35 | 30 |
| 14 | Алтай | 30 | 31-42 | 28 |
| 15 | Жетісу | 30 | 31-49 | 27 |
| 16 | Қайсар | 30 | 25-41 | 25 |
